• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

İranla danışıqlara daha iki nazir qoşuldu

  • Dünya
  • 29 Mart 2015 03:15
  • 329 Baxış
İranla danışıqlara daha iki nazir qoşuldu

İsveçrənin Lozanna şəhərində İran ilə ABŞ arasında aparılan nüvə danışıqlarına Fransa və Almaniyanın xarici işlər nazirləri Laurent Fabius və Frank-Walter Steinmeier də qoşulub.

Publika.az-ın məlumatına görə, danışıqlar 31 marta planlaşdırılan siyasi çərçivə razılaşması ətrafında aparılır. Məqsəd İranın nüvə fəaliyyətinin məhdudlaşdırılması müqabilində ona qarşı sanksiyaları yumşaltmaqdır.

L.Fabius jurnalistlərə bildirib ki, danışıqlar «uzun və çətin» keçir: «Biz bəzi məsələlərdə irəliləyişə nail olduq, amma başqa məsələlərdə bu irəliləyiş kifayət qədər deyil».

W.Steinmeier isə bəyan edib ki, danışıqlar «son mərhələdədir».

Diplomatlar bildiriblər ki, onların burada iştirakı mütləq mənada razılaşmanın əldə olunmasına dəlalət etmir.

Qərb hesab edir ki, İran gizlicə nüvə silahı üzərində işləyir. Tehran ittihamı rədd edir və yalnız məişət ehtiyacları üçün mülki nüvə enerjisini inkişaf etdirmək istədiyini deyir.

Tehranla danışıqlarda ABŞ, Rusiya, Çin, Böyük Britaniya, Fransa və Almaniya iştirak edir.

Rusiya və Böyük Britaniyanın xarici işlər nazirləri ilə Çinin yüksəkrütbəli rəsmisinin də bu həftəsonu Lozannaya gəlişi gözlənilir.

Xəbər lenti

DAHA ÇOX XƏBƏR