Hadisə
Bibisi oğlunu bir heç uğrunda döyərək öldürdü - Masallıdakı dəhşətin TƏFƏRRÜATI (YENİLƏNDİ)
Daxili İşlər Nazirliyi Masallı rayonunun Qızılağac kənd sakini Afiq Allahverdiyevin öldürülməsi ilə bağlı məlumat yayıb.
DİN-dən Publika.az-a verilən məlumatda bildirilib ki, A.Alalhverdiyevi qətlə yetirməkdə şübhəli bilinən qohumu Vüsal Hüseynov tutulub.
Masallı rayonunun Qızılağac kəndi ərazisindən kənd sakini, əvvəllər məhkum olunmuş Afiq Allahverdiyev çənə və baş sümüyünün sınığı xəsarəti ilə xəstəxanaya gətirilib və orada ölüb.
Polis və prokurorluq orqanları əməkdaşlarının həyata keçirdikləri istintaq-əməliyyat tədbirləri nəticəsində hadisəni münaqişə zəminində törətməkdə şübhəli bilinən qohumu Vüsal Hüseynov tutulub. Faktla əlaqədar cinayət işi başlanılıb.
***
Masallının Qızılağac kəndində Afiq Allahverdiyevin dayısı oğlu Vüsal Hüseynov tərəfindən döyülərək öldürülməsinin təfərrüatı məlum olub.
Publika.az-ın kənd sakinlərindən əldə etdiyi məlumata görə, onlar arasında mübahisə torpaq və ev üstündə olub: "Afiq Allahverdiyevin heç kimi yoxdur. O, uşaq olanda anası ölüb, atası da ondan imtina edib, Bakıya gedib. Bakıda ailə qurub, orada yaşayır, bir dəfə də olsun oğlu ilə maraqlanmayıb. A.Allahverdiyevi də ana nənəsi saxlayıb. Afiqi döyüb öldürən dayısı oğlu Vüsal isə ailəsi ilə birlikdə 3 ildən çoxdur ki, Bakıda yaşayır. Onlar kənddəki torpaq sahələrini, evlərini satıblar. Bir neçə gün əvvəl Vüsal qardaşı ilə birlikdə kəndə gəlib, nənəsinə onu Bakıya aparmaq istədiyini deyib. A.Allahverdiyevdən də evdən çıxmasını tələb edib. Çünki onlar nənəsinin də torpaq sahəsini və evini satmaq istəyiblər. A.Allahverdiyev isə onlarla razılaşmayıb, nənəsinin varisi olduğunu, evdən yalnız məhkəmə qərarı ilə çıxacağını deyib.
Bundan sonra V.Hüseynov A.Allahverdiyevi maşına mindirib, kənddən kənara aparıb, orada döyüb. Bir müddət sonra isə ölümcül halda onu kəndə gətirib və qardaşı Masallı Rayon Mərkəzi Xəstəxanasına aparıb. A.Allahverdiyev xəstəxanada ölüb".
Sakinlər deyir ki, A.Allahverdiyevin cəsədi ekspertizadan gətirilib. Heç kimi olmadığından onun dəfn xərclərini kənd sakinləri çəkəcək. Çünki atasına məlumat verilsə də, o oğlunun meyitini götürmək üçün kəndə gəlməyib.
***
Masallı rayonunda ötən gün döyülən şəxs xəstəxanada ölüb.
Hadisə Masallının Qızılağac kəndində qeydə alınıb.
Kənd sakini, 1987-ci il təvəllüdlü Afiq Rafiq oğlu Allahverdiyev dayısı oğlu Vüsal Rüfət oğlu Hüseynov tərəfindən döyülüb. Ağır vəziyyətdə Masallı Rayon Mərkəzi Xəstəxanasına çatdırılan A. Allahverdiyev orada dünyasını dəyişib.
Hadisəni törədən şəxs saxlanılıb. Fakt araşdırılır. (apa)
Gülxar
-
Magazin222:24
İki qızdan biri indi çox məşhurdur - 40 ildən sonra eyni pozada FOTO
-
Magazin121:48
Ağakərimin son vəziyyəti AÇIQLANDI - FOTO
-
Hadisə21:36
Zaqatalada dönərdən zəhərlənənlərin SAYI ARTDI - YENİLƏNDİ
-
Nida Xəbər 20:24
Vəzifədən azad edilən eks-baş nazir DANIŞDI: "Adamı əsəbiləşdirirlər"
-
Sosial19:48
Azərbaycanda faciəvi şəkildə ölən prokurorun FOTOSU
-
Magazin119:24
Aygün Bəylərin ailəsi tiktoker Ləmandan polisə şikayət etdi - FOTO
-
Sosial18:50
Şəhidin yeganə qardaşı vəfat etdi, cinayət işi açıldı - FOTO
-
Art18:40
“Sehirli xalat"ın sehri nədə idi? - VİDEO