Magazin2

Azərbaycanlı iş adamı Mahsun Kırmızıgülə sponsorluqdan imtina etdi

28 İyul 2015 13:41

Müğənniliyə əlvida deyən və fəaliyyətini rejissor kimi davam etdirən məşhur türk ifaçısı Mahsun Kırmızıgül film çəkmək üçün villasını satışa çıxarıb.

Publika.az-ın xarici mediaya istinadən verdiyi məlumata görə, çəkəcəyi filmi üçün yeni sponsor axtarışına çıxan rejissor M.Kırmızıgül İstanbulun “Bahçeköy Saklı Koru” adlanan ərazisindəki 5.5 milyon dollarlıq villasını satışa çıxarıb.

1400 kvadratmetrlik ərazidə inşa edilən 3 mərtəbəli villanın hovuzu, 6 otağı, 2 geniş salonu, 4 vanna otağı, kinoteatr və saunası var.

Türkiyə mediası yazıb ki, Mahsun Kırmızıgülün indiyədək çəkdiyi əksər filmlərə azərbaycanlı iş adamı Mübariz Mənsimov sponsorluq edib. Lakin son vaxtlar Mübariz Mənsimovun biznesində də böhran yaşanır. Bu səbəbdən iş adamı müğənniyə sponsorluğu dayandırıb.

Vasif Həsənli