Nida.az
“Bizi Rusiya ilə döyüşlərə təhrik edirlər”- Rəy
Rusiyanın Krımı işğal etməsindən sonra əsas informasiya axını
Azərbaycana doğru başlayıb. “Rusiyanın Azərbaycana müdaxiləsi, ən
yaxşı halda təzyiqlərə başlaması qaçılmazdır” səpkili xəbərlər
gündəmin əsas mövzusudur.
Dünən Qərb mətbuatında sensasion məlumat yayıldı. Məlumata görə,
Azərbaycanın Ermənistanla sərhədə hərbi qüvvələrini
cəmləşdirir.
Son proseslər bu istiqamətdə ehtimalları artırır. Belə ki, Krımdan
sonra Cənubi Qafqazda gizli narahatlığın olması məlumdur.
Azərbaycanın BMT-də Ukraynanın ərazi bütövlüyünə səs verməsi,
ardınca erməni hərbi bölmələrinin gecə saatlarında Tovuzun Əlibəyli
kəndi istiqamətində atəşkəsi pozmasında rus əlinin olması haqda
deyilənlər, Rusiyanın Dağıstanda hərbi təlimlərə başlaması
təhlükədən xəbər verir. Lakin Azərbaycanın sərhədə qoşun yığması,
ümumiyyətlə Rusiyaya qarşı Cənubi Qafqazda yeni cəbhə açması nə
dərəcədə doğrudur və bu, indiki məqamda rəsmi Bakıya sərf
edirmi?
Milli Məclisin Müdafiə və təhlükəsizlik komitəsinin üzvü Zahid Oruc Publika.Az -a açıqlamasında bunun avantürist yanaşma olduğunu deyir. Millət vəkili hesab edir ki, Azərbaycanı Rusiyaya qarşı çıxmağa təhrik edirlər: “Azərbaycanda antirusiya siyasi dairələr bu mövqeni stimullaşdırmaqla, tirajlamaqla, cəmiyyətə kultivasiya etməklə gərginlik yaratmağa çalışır. Faktiki olaraq Ukraynadakı dramatik gərginliyi Azərbaycana da köçürmək istəyirlər. Məsələ situasiyanı dərdindən dərk etmək və tarixi kateqoriyada düşünməməyi bacarmaqdadır. Çünki biz Gülüstan müqaviləsindən bu yana baxsaq, hadisələri həmin fonda analiz etsək, SSRİ-nin dağılması, Xocalı faktoru, Rusiyanın Ermənistanın yanında yer alması və bu kimi tarixi aspektlərin məntiqi nəticəsi o deməkdir ki, Azərbaycan nəinki cəbhə bölgəsinə, həmçinin öz qoşunlarının Qusardan başlayaraq Şimal bölgəsinə yerləşdirməli və Rusiya əleyhinə addımlar ataraq, az qala Ukraynanın əvəzinə döyüşməlidir. Bu cür avantüraları millətə təqdim etmək olmaz”.
Onun fikrincə, Ukraynanın bölünməsinə Qərb dairələri imza atdı.
Belə ki, Putin faktiki olaraq Qərbin ssenarisini özlərinin əleyhinə
çevirməyi bacardı.
“Dalğalarla yarışan bir oyun var. Adına sörfinq deyilir. Burda
mərkəzdən başlayan dalğa selinin təsiri sahilə qədər gəlib çatır və
idmançı üzərində dayandığı alətlə dalğanın təhlükəsindən qoruyur.
Siyasi həyatda bundan da daha böyük təhlükələr var və belə
təhlükələr qarşısında dövlətlərin həyatı ilə zarafat etmək olmaz.
Azərbaycanın dövlət başçısı da nə yaxşı ki, bu cür mövqeləri
bölüşmür və xaricdən stimullaşdırılan, daxildən kor-koranə şəkildə
tirajlanan yanaşmalarda fərqli siyasət aparır”- deyə millət vəkili
bildirib.
Z. Oruc Azərbaycanın BMT-də Ukraynaya dəstək verməsini nə
Rusiyaya qarşı çıxmaq, nə də Qərbin dövlət çevrilişlərini
dəstəkləmək olduğunu deyib: “ BMT-dəki səsvermə Ukrayna və Rusiya
dilemması qarşısında qalan dövlətlərin bölünməsi və qruplaşması
deməkdir. Azərbaycan antirusiya dairələrinə qoşularaq rəsmi Kremlin
əleyhinə bundan sonra aparılacaq siyasi müharibəyə imza atdımı?
Xeyr. Bu mənim subyektiv təhlilimdir. Hesab edirəm ki, ərazi
bütövlüyü məsələsində ölkələrin başqa mövqeyi olmamalıdır. Var,
amma bu başqa söhbətdir. Çünki ərazi bütövlüyü fundamental ana
prinsipdir. Digər tərəfdən Ukraynanı dəstəkləməyimiz o demək deyil
ki, biz Ukraynada yeni dövlət çevrilişi, iqtidarın meydandan ələ
keçirilməsi, Qərbin bu cür çevrilişlərinin tərəfindəyik”.
Komitə üzvü bildirib ki, Ukrayna hadisələrini Cənubi Qafqaza
köçürmək istəyənlər, bunu arzulayanlar millətlə düşmənçilik
edir.
“Faktiki olaraq Azərbaycanı Rusiya ilə döyüşlərə təhrik edirlər.
Amma bizim önə çıxıb bu savaşın forpostu olmağımız yanlış olardı.
Əksində hesab edirəm ki, Rusiya ilə münasibətləri daha yüksək
səviyyədə saxlamaq lazımdır. Cəbhəyə, yaxud digər sərhədlərə Rusiya
əleyhinə qoşun yığmaqla nə etməliyik, bunun geosiyasi izahı nə ola
bilər? belə bir döyüşlər başlasa qazanc nə olacaq? Müasir dövrdə
müharibələr deyil, daha başqa faktorlar önə çıxır. Hesab edirəm ki,
bu gün daha böyük gücə malik olanlar, Ukrayna hadisələrində
məsuliyyəti bölüşənlər kiçik ölkələr böyük sunaminin qarşısında
əzdirmək üçün bu cür informasiya sızdırmaları ilə cəmiyyətləri ağır
müharibələrə sürükləməyə çalışır. Azərbaycan sonu uğursuz olan
şantaj əməliyyatlarına getməməlidir”-deyə Z. Oruc bildirib.
Asif Nərimanlı
-
Sosial19:48
Azərbaycanda faciəvi şəkildə ölən prokurorun FOTOSU
-
Magazin119:24
Aygün Bəylərin ailəsi tiktoker Ləmanı polisə şikayət etdi - FOTO
-
Sosial18:50
Şəhidin yeganə qardaşı vəfat etdi, cinayət işi açıldı - FOTO
-
Art18:40
“Sehirli xalat"ın sehri nədə idi? - VİDEO
-
Sosial17:53
Bakıda ev fantastik qiymətə kirayə verilir - FOTO
-
Sosial17:17
Gəncə Şəhər Birləşmiş Xəstəxanasının vəzifəli şəxsi həbs olundu
-
Hadisə16:58
Hoteldə ölən dostlarla bağlı YENİ DETALLAR - FOTO
-
MDB16:43
Zelenskiyə qarşı terror planlaşdıran şəbəkə ifşa edildi: Daha kimləri öldürmək istəyiblər?