Nida.az
“Həmasla Fəth birləşdi, biz niyə birləşməyək?!”
“İki partiyanın yaxınlaşması ilə bağlı qərar Sərdar bəylə özəl görüşlərimizin birində razılaşdırılıb. Razılaşdıq ki, hər kəsə nümunə olmaq üçün iki partiyanın əməkdaşlıq imkanları müstəvisi müəyyənləşsin”.
Bu barədə Vətəndaş və İnkişaf Partiyasının (VİP) sədri Əli
Əliyev Publika.Az-a açıqlamasında ADP ilə VİP-in birləşməsi
məsələsinə münasibət bildirərkən deyib.
“Bu həftə sədrlərin iştirakı ilə komissiyanın növbəti
görüşü olacaq”
VİP sədri bildirib ki, hər iki partiyada bununla bağlı komissiya
yaradılıb: “Hesab edirəm ki, ölkədə çox vacib seçki gəlir, xüsusilə
2015-ci il parlament seçkiləri. İqtidarın vahid komandasına
pərakəndə deyil, vahid platformalı müxalifət alternativ ola bilər.
Bu baxımdan belə bir komissiya yaratdıq. Ötən həftənin 5-ci günü bu
komissiyalar bir araya gəldi. İlkin məsələlər dəyərləndirildi,
partiyaların birləşməsindən tutmuş, blok yaratmağa qədər bir sıra
məsələlər gündəmdədir. Bu həftə sədrlərin iştirakı ilə komissiyanın
növbəti görüşü olacaq. Lakin biz hələ birləşmək məsələsinin
tərəfdarı deyilik”.
“Həmasla Fəth birləşdi, biz niyə
birləşməyək?!”
VİP sədri niyə başqa partiya ilə deyil, ADP ilə yaxınlaşmağa
gəlincə, bildirib ki, burda obyektiv və subyektiv səbəblər var.
“Bizim partiyanın ilki gündən dostu hesab edilən Sərdar bəy
fəaliyyətimiz dövründə böyük köməkliklər göstərib. İlk növbədə
mənəvi dəstəyini hiss etmişik. Şəxsi münasibətlərimiz kifayət qədər
normaldır. Siyasi münasibətlərdə insani münasibətlərin səviyyəsi
bir sıra qərarların qəbul olunmasına da təsir edir. Bundan əlavə
obyektiv səbəblər sırasına bizim ötən ildən etibarən Rusiya
təhlükəsinə qarı eyni mövqe sərgiləməyimizdir. Məhz buna görə də
Milli Şurada təmsil olunmadıq. Eyni zamnda bir sıra digər obyektiv
səbəblərə görə imkanlarımızı səfərbər etməyə bizi vadar edir. Digər
tərəfdən dünyada koorparativ münasibətlər əsas rol oynayır. Elə
böyük təşkilatlar var ki, güclərini artırmaq üçün digərləri ilə
koorparasiya yaradırlar. Misal üçün bu günlərdə Fələstində Həmasla
Fəth təşkilatı güclərini birləşdirdi. Halbuki dünənə qədər onların
düşmən olduğu deyilirdi. Biz niyə birləşməyək?! Bu baxımdan, hesab
edirik ki, Azərbaycan müxalifəti də bir araya gəlib
təşkilatlanmayana qədər hakimiyyət güclü olacaq”-deyə VİP sədri
diqqətə çatdırıb.
“Qarabağ” necə olacaq?
ADP-nin “Qarabağ” blokunda birgə təmsil olunduğu Ümid Partiyasına
gəlincə, Ə. Əliyev bildirib ki, əməkdaşlıq müzakirələri hələlik iki
partiya arasında aparılır: “Fəaliyyətimiz də Ümidlə ADP-nin
münasibətlərinə xələl gətirməyəcək formada olacaq”.
Asif
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 11:55
İlham Əliyev Almaniyada mühüm tədbirdə çıxış etdi - Yeniləndi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu