Nida.az
Azərbaycan ATƏT-lə müzakirələr apardı
Azərbaycanın xarici işlər naziri Elmar Məmmədyarov İsveçrə Konfederasiyasının Prezidenti və xarici işlər naziri Didye Burkhalter ilə görüşüb.
XİN-in mətbuat xidmətindən Publika/az-a verilən məlumata görə,
görüşdə Azərbaycan ilə İsveçrə arasında ikitərəfli siyasi, iqtisadi
və mədəni əlaqələrin inkişafından məmnunluq ifadə olunub.
İsveçrə Konfederasiyasının Prezidenti və xarici işlər naziri Didye
Burkhalterin rotasiya qaydalarına uyğun olaraq, ATƏT-in Fəaliyyətdə
olan sədri funksiyasını da daşıdığını nəzərə alaraq, Azərbaycan
Respublikası ilə ATƏT arasında mövcud əməkdaşlıq və ATƏT-in
gündəliyində duran aktual məsələlər üzrə müzakirələr aparılıb.
Nazir Elmar Məmmədyarov Azərbaycan Respublikasının Avropa Şurasının
Nazirlər Komitəsinə sədrlik etdiyini qeyd edərək, sədrlik dövründə
Azərbaycanın irəli sürdüyü prioritetlər haqqında məlumat verib. O,
müvafiq olaraq, Azərbaycanın Avropa Şurasına, İsveçrənin isə ATƏT-ə
sədrlik etdiyini nəzərə alaraq, qarşılıqlı maraq doğuran aktual
məsələlər üzrə əməkdaşlığın və birgə layihələrin həyata
keçirilməsinin mümkünlüyünü diqqətə çatdırıb.
Təhlükəsizliyin bölünməzliyinin ATƏT-in təməl prinsipi olduğunu
deyən nazir Elmar Məmmədyarov Ermənistan-Azərbaycan münaqişəsinin
həlli üzrə aparılan danışıqlar prosesi haqqında məlumat verərək,
münaqişənin həlli üçün ilk növbədə Ermənistan qoşunlarının işğal
edilmiş Azərbaycan ərazilərindən çıxarılmalı olduğunu
vurğulayıb.
Görüşdə qarşılıqlı maraq doğuran regional məsələlər üzrə fikir
mübadiləsi aparılıb.
-
Magazin101:41
Namiq Qaraçuxurlu: “Ayrılığı çətin keçirirəm”
-
İdman01:11
Ronaldo het-trik etdi - VİDEO
-
Magazin100:15
Elzanın oğlu əsəbiləşib məclisi tərk etdi - FOTO
-
Magazin24 May 23:48
“Əsgərlər” serialının aktrisası VƏFAT ETDİ
-
Sosial4 May 21:10
“Green card” müraciətlərinin nəticələri AÇIQLANDI - YENİLƏNDİ
-
Magazin14 May 20:36
“Toppuş bacı”nın həyat yoldaşı yenidən ailə qurur? - FOTO
-
Art4 May 20:00
"Sehirli xalat"ın "Zərifə" və "Eldar"ı 60 il sonra - VİDEO
-
Kriminal4 May 19:55
Azərbaycanda həkim güllələnərək öldürüldü - TƏFƏRRÜAT/YENİLƏNDİ