Nida.az
Rusiya nəşri: “Moskva NATO qarşısına “miqrant ordusu” çıxaracaq”
NATO-Rusiya qarşıdurması fonunda ilginc proseslər
bir-birini əvəzləməkdədir.
NATO-nun sentyabrın 4-5-də keçiriləcək Uels sammitində məhz
Moskvanın təcavüzkar təhlükələrinə qarşı əsas prioritetlərin
müəyyən olunacağı deyilir. Ekspertlər hesab edir ki, Qərb bu
samitdən sonra Rusiyaya qarşı açıq savaşa başlayacaq. Əsas istinad
nöqtələrinin isə Polşa və Baltikyanı ölkələrdə yaradılan
briqadaların olacağı ehtimal olunur. Xatırladaq ki, bu iddia ilə
Almaniyanın “Şpigel” nəşri çıxış etmişdi.
Lakin NATO-nun adını açıqlamayan əməkdaşı “İnterfaks” xəbər
agentliyinə açıqlamasında bu sammit, eləcə də Şərqi Avropada
alyansın hərəkətə keçməsinin Rusiyaya qarşı olmadığını bildirib.
“NATO Ukraynaya qarşı Rusiya təcavüzündən sonra təcili tədbirlərə
başladı. Məqsəd kollektiv təhlükəsizliyi möhkəmləndirmək idi. Həmin
dönəmdə Baltikyanı ölkələri və Polşa ərazilərində müdafiə
sistemlərinin yaradılmasını istədilər. Lakin bu Rusiyaya qarşı
hücum məqsədi daşımır. Sadəcə olaraq müdafiəni gücləndiririk”, -
deyə hərbi alyans nümayəndəsi qeyd edib.
Rusiyanın “oximity.com” saytında irəli sürülən iddia da diqqət
çəkir. Söhbət Moskvanın “miqrant ordusu” yaratmasından gedir. Sayt
iddia edir ki, Kreml kuliarlarında bu məsələ artıq razılaşdırılıb
və tezliklə belə bir layihə Dumada müzakirəyə çıxarılacaq. Sayt
bildirir ki, Moskva NATO təhlükəsinə qarşı ordunu gücləndirmək
məqsədilə bu yola əl atıb.
Qeyd edək ki, Publika.az-a daxil olan məlumatda da “miqrant
ordusu”nun yaradılacağı deyilirdi. Qanun layihəsi “Rusiya
miqrantlar birliyi” tərəfindən irəli sürülüb və Dövlət Dumasının
bir sıra üzvləri tərəfindən dəstək qazanıb.
Layihəyə görə, əvvəlcə Rusiyada doğulan miqrant uşaqları hərbi
xidmət keçir, ardınca digər miqrantlar, xüsusilə də öz ölkələrində
hərbi xidmət keçməyənlər vətəndaşlıq almaq qarşılığında “miqrant
ordusu”nda hərbi xidmətdən keçirlər. Bu orduya Rusiyada miqrant
olaraq yaşayan azərbaycanlıların da qatıla biləcəyi ehtimalı
yüksəkdir.
Asif Nərimanlı
-
Hadisə20:15
Oteldəki zəhərlənmə ilə bağlı YENİ ŞOK İDDİA
-
Art18:33
Azərbaycanda gənc yazıçı vəfat etdi
-
Nida Xəbər 18:30
Prezidentdən Fransaya XƏBƏRDARLIQ: "Kritik həddə çatsa, onda bizdən heç kim inciməsin”
-
Ekologiya18:08
Güclü külək əsəcək, yağış yağacaq - XƏBƏRDARLIQ
-
Region18:00
Köçəryan Paşinyanın impiçmenti ideyasını ələ saldı: O səsləri haradan alacaqlar?
-
Rəsmi xronika17:30
İlham Əliyev Laçında sakinlərlə görüşdü
-
Qarabağ 17:10
Vardanyanın Bakıda “yazdığı” məktub həbsxanadan necə çıxıb?
-
Qoroskop16:42
40 yaşından sonra həyatları dəyişəcək bürclər: Pul, ev, karyera...