Nida.az
Başqanlığa namizəd Müsavatın qərargahından niyə imtina etdi?- Müsahibə
Müsavat başqanlığına namizəd Tural Abbaslının Publika.az-a müsahibəsi
- Mətbuat konfransı keçirən başqanlığa namizədlər məkan
kimi partiyanın qərargahını seçdilər. Siz nə üçün ADP-nin
qərargahına gedirsiniz?
- Müxtəlif partiya və təşkilatlarda təmsil olunan gənclərlə kütləvi
tədbir etmək, gəncliyin istənilən situasiyada bir olduğunu
göstərmək istəyirik.
Müsavatın ümumi gəncliyin partiyası olduğunun təqdimatını da etmək
istəyirik. Lakin bunun texniki tərəfləri də var. Belə ki, Müsavatın
zalı maksimum 120 nəfər tutur. Lakin bizim tədbirdə iştirakçıların
sayı bundan ikiqat çoxdur. Ona görə də biz VHP və ADP ilə
danışıqlar apardıq. 250 nəfərlik zalı olan ADP-nin qərargahını
seçdik.
- Yəni, bunun hansısa siyasi mesajı yoxdur?
- Xeyr. Bu, sırf texniki məsələdir. Burda hər-hansı siyasi mesajdan
söhbət gedə bilməz. Bundan əvvəl biz rayon təşkilatlarının
nümayəndələri ilə partiyamızın qərargahında toplantı keçirtdik.
- İddialar var ki, sizin görüşlərinizin birində AXCP
üzvlərindən biri Əli Kərimlini tərifləyərək Arif Hacılını tənqid
edib. İddialara görə, sizin ADP qərargahına getməyinizə səbəb
budur.
- Görüşümüzün birində cəbhəçi xanım çıxış etmişdi. Mən, yaxud kimsə
bəyənsə də, bəyənməsə də özünəməxsus fikirlərini demişdi. Bununla
bağlı rəsmi heç kəs mənə rəsmi irad bildirməyib və bildirə də
bilməz.
Cəbhəçi xanım öz liderini tərifləmişdi. Rəqib namizədlərdən biri
barədə də söyləmişdi ki, daha qocalıb, siyasətdən getməlidir. Lakin
biz bunu xoş qarşılamırıq və qınayırıq. Amma görüşdə kimin nə
deyəcəyini biz əvvəlcədən müəyyənləşdirmirik. Yaxud görüşə
gələnləri şəxsiyyət vəsiqəsi və partiya bileti ilə buraxmırıq.
Sosial şəbəkələrdə görüş barədə elan veririk, istəyən durub gəlir,
söz alıb fikrini deyir. Orada əlahiddə, qeyri-adi nələrsə deyilsə,
müdaxilələr ən son addım kimi fikirləşilə bilər. Amma kiməsə deyə
bilmərik ki, çıxışının mətnini ver mənə, senzuradan keçirim. Heç
kim mənə irad bildirməyib, bildirə də bilməz. Mən bu iradlara görə
də görüşümüzü qərargahda keçirməkdən imtina edə bilmərəm. Yəqin,
yaxın günlərdə özümüzün rayon təşkilatlarının görüşünü Müsavatın
qərargahında təşkil edəcəyik.
- Müsavatçı gənclərdən sizi dəstəkləyənlər çoxdur, amma
partiyanın Gənclər Təşkilatı haqqında bunu demək olmaz. Əhliman
Abbasla problemləriniz var, yoxsa səbəb başqadır?
- Müsavatın Gənclər Təşkilatının bugünkü tərkibi qurultay
məsələsində monolit deyil. Adətən, mətbuat işçiləri rəhbərliyin
mövqeyini təşkilatın mövqeyi kimi təqdim edirlər. Ancaq orada
monolit fikir yoxdur. Gənclər Təşkilatının bəzi üzvləri Arif
Hacılını, bəziləri Qubad İbadoğlunu dəstəkləyir. Hətta bizim də
tərəfdarlarımız kifayət qədərdir. Əhliman Abbas mövqeyini irəli
sürüb. İlk təqdimatı Qubad İbadoğlu edəndə onu dəvət edib. Hər
kəsin, hər bir gəncin seçiminə hörmətlə yanaşırıq. Mənim Müsavat
gəncləri arasında etimad kimi bir problemim yoxdur.
MGT-nin yeni sədri ilə də heç bir rəqabətim yoxdur.
Mən, ətrafım, gənclik partiya daxilində öz mövqeyimizi möhkəmlətmək, səlahiyyətli postları tutmaq uğrunda hansısa addımlar ata bilərik. Burada opponentlərimiz hansısa gənclər və Gənclər Təşkilatı deyil. Burada illərdir formalaşmış daxili komandalar var. Ən yaxşı halda onlarla rəqabət aparırıq. Mənim MGT və ya Əhliman Abbas kimi problemim yoxdur.
Asif Nərimanlı
-
Art18:40
“Sehirli xalat"ın sehri nədə idi? - VİDEO
-
Sosial17:53
Bakıda ev fantastik qiymətə kirayə verilir - FOTO
-
Sosial17:17
Gəncə Şəhər Birləşmiş Xəstəxanasının vəzifəli şəxsi həbs olundu
-
Hadisə16:58
Hoteldə ölən dostlarla bağlı YENİ DETALLAR - FOTO
-
MDB16:43
Zelenskiyə qarşı terror planlaşdıran şəbəkə ifşa edildi: Daha kimləri öldürmək istəyiblər?
-
Sosial15:58
Novruz Məmmədov vəzifəsindən azad edildi
-
MDB15:07
Təhlükəsizlik qüvvələri əməliyyat keçirdi: Nazir rüşvət alarkən saxlanıldı
-
Sosial14:11
“Ermənilər Nizami Gəncəvinin başını oğurladılar”