Qırmızı.az
Rusiya prezidentinin nümayəndəsi AMEA-da olub
Azərbaycan Milli Elmlər Akademiyasının (AMEA) prezidenti, akademik Akif Əlizadə AMEA-nın yeni açılmış Mərkəzi Kitabxanasında rusiyalı qonaqları qəbul edib.
AMEA-dan publika.az-a verilən xəbərə görə, Rusiya Federasiyası prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvidkoy, Rusiyanın Azərbaycandakı fövqəladə və səlahiyyətli səfiri Vladimir Doroxin, Azərbaycanın Rusiyadakı fövqəladə və səlahiyyətli səfiri Polad Bülbüloğlu və Prezident Administrasiyasının Humanitar siyasət məsələləri şöbəsinin müdiri Fatma Abdullazadə ilə görüş keçirilib və Rusiya – Azərbaycan mədəni əlaqələrinə dair səmimi söhbətlər edilib.
Sonra İnformasiya Resursları Mərkəzinin (İRM) direktoru Leyla İmanova qonaqları Mərkəzi Kitabxana ilə tanış edib.
Kitabxananın sərgi zalında dünya ədəbiyyatının görkəmli nümayəndələrinin azərbaycan dilinə tərcümə edilmiş nəşrləri, elmi nəşrlər, Azərbaycan Milli Ensiklopediyasının Azərbaycan və rus dillərindən çapa verilmiş ilk cildləri, Nobel mükafatı laureatlarının əsərləri qonaqların marağına səbəb olub. L. İmanova ölkəmizin kitabxanaçılıq tarixində ən müasir avadanlıq və sistemlərin ilk dəfə məhz bu kitabxanada tətbiq olunmasını bildirib, İnformasiya Resursları Mərkəzi və onun fəaliyyət perspektivləri haqqında məlumat verib.
Görüşün sonunda qarşılıqlı maraq doğuran bəzi məsələlər ətrafında fikir mübadiləsi aparılıb.
-
Nida Xəbər 12:16
XİN Avropa Parlamentinə cavab verdi
-
Nida Xəbər 11:55
İlham Əliyev Almaniyada mühüm tədbirdə çıxış etdi - Yeniləndi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."