• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Deputat məktəblilərə çanta payladı - FOTOLAR

Deputat məktəblilərə çanta payladı - FOTOLAR

Ana Vətən Partiyasının sədri, Milli Məcilisin deputatı Fəzail Ağamalı Bilik Günündə deputat seçildiyi Salyan-Neftçala rayonlarında şagird və müəllimlərlə görüş keçirib.

Publika.az-ın məlumatına görə, deputat F.Ağamalı Neftçala rayonunun Aşağı Surra, Salyan rayonunun Çuxanlı və Piratman Gəncəli kəndlərində olub.

Aşağı Surra kəndində yeni məktəb korpusunun açılışında iştirak edən F.Ağamalı dərs ilinin başlanması münasibətilə müəllim və şagirdləri təbrik edib, valideynlərlə görüşərək onların təklif və fikirlərini dinləyib.

Çuxanlı və Piratman Gəncəli kəndlərində də şagirdlərə uğurlar arzulayan F.Ağamalı müəllimlərin məktəbin təmiri ilə bağlı narahatlıqlarını müvafiq dövlət qurumlarının diqqətinə çatdıracağını bildirib.

Deputat F.Ağamalı habelə Çuxanlı kəndində uşaq bağçasını ziyarət edib, bağçanın təmiri ilə bağlı məsələni diqqətdə saxlayacağını kollektivin nəzərinə çatdırıb.

Tədbirdən sonra seçicilərlə fərdi qaydada görüşən F.Ağamalı onları narahat edən problemləri qeydiyyata götürüb.

F.Ağamalı həmçinin, əvvəlki illərdə olduğu kimi Salyan rayonunun Yenikənd, Şəkərli, Yuxarı Noxudlu, Aşağı Noxudlu, Çuxanlı və Piratman Gəncəli, Neftçala rayonunun Aşağı Surra kənd orta məktəblərində I sinfə gedən 315 şagirdə məktəbli çantaları və məktəb ləvazimatları hədiyyə edib.

Vasif Həsənli

Xəbər lenti

DAHA ÇOX XƏBƏR