Qırmızı.az
Şaxtalı havalarda "bomj"lar üçün sığınacaqlar açılacaq
“Əgər sabah hava şaxtalı olarsa, Əmək və Əhalinin Sosial Müdafiəsi Nazirliyi tərəfindən evsizlər və küçədə yaşayanlar üçün müvəqqəti sığınacaqlar salınacaq”. Bu barədə Publika.az-a Əmək və Əhalinin Sosial Müdafiəsi Nazirliyinin mətbuat xidmətinin rəhbəri Elman Babayev bildirib. “Adətən, belə sığınacaqlar paytaxt ərazisində və Sumqayıt şəhərində salınır. Bu ildə eyni qaydada olacaq. Sayını isə indidən dəqiq demək mümkün deyil”, E. Babayev belə deyib. Tikintisi nəzərdə tutulan daimi sığınacaqlarla bağlı danışan E.Babayev bildirib ki, nazirlik daimi sığınacaqlarıın salınması üçün müəyyən təkliflər hazırlayıb və yaxın vaxtlarda bunu Nazirlər Kabinetinə təqdim edəcək. Qeyd edək ki, bütün sığınacaqlar 24 saat ərzində yataqla, 3 dəfə isti yemək və çayla, istiliklə, lazım gəldikdə isə tibbi xidmətlə təmin olunur. Yaşayış yerinə getməkdə, o cümlədən rayondan müvəqqəti olaraq Bakıya gəlmiş və yenidən öz rayonuna qayıtmaqda çətinlik çəkənlər, açıq havada səyyar işləyənlər, faktiki yaşayış yeri uzaqda olanlar, yaşayış və ya gecələmək üçün yeri olmayanlar, yaxud müvəqqəti isinməyə və ilk yardıma ehtiyac duyan vətəndaşlar, küçədə yaşayan evsizlər bu sığınacaqlarda heç bir məhdudiyyət olmadan yerləşdirilir. Xatırladaq ki, Ekologiya və Təbii Sərvətlər Nazirliyi yanvar ayının 7-si axşamdan başlayaraq hava şəraitinin kəskin dəyişiləcəyi, şimal küləyinin güclənəcəyi, 8-dən 10-dək fasilələrlə yağıntılı olacağı, sulu qar, qar yağacağı ilə bağlı xəbərdarlıq etmişdi. Havanın temperaturunun ayın 8-də ötən günlə müqayisədə 10-12 dərəcə aşağı enəcəyi, 8-i gün ərzində 0°-yə yaxın, axşama doğru -2° şaxta, 9-u gün ərzində 0°-yə yaxın, 9-10-da gecə saatlarında -4° şaxta olacağı ehtimalı var. Gülnar Əliyeva |
-
Nida Xəbər 12:16
XİN Avropa Parlamentinə cavab verdi
-
Nida Xəbər 11:55
İlham Əliyev Almaniyada mühüm tədbirdə çıxış etdi - Yeniləndi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."