• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Bohem tərzi nədir və necə geyinilir? - FOTOLAR

Bohem tərzi nədir və necə geyinilir? - FOTOLAR

Bohem - 1960-cı illərin və 1970-ci illərdə ortaya çıxan həyat tərzinin formalaşması əsasında yaranan geyim tərzidir. Əslində “bohemian” kəlməsi hippilərdən gəlir. Bu həyat tərzini eyni ilə hippilər kimi azad, rahat, yaşamağı sevən və dərviş ruhlu insanlardan qaynaqlanır. Məntiqlə geyim-kecimə çox pul xərcləməyən insanların daha az büdcələrlə frəqli stil yaratması deməkdir. Müasir moda aləmində dizaynerlər bohem stilinə tez-tez müraciət edirlər. Böyük moda evlərinin geyimlərinə sərvət yatıraraq geyinmək bohem fəlsəfəsinə zidd olsa da, artıq belə bir geyim tərzi formalaşıb. Gəlin bohem stilinin əsas detallarına nəzər salaq.

Ədviyyat rəngləri: Ədviyyat rəngləri və naxışlar bohem tərzinin əsas üslubunu ifadə edən termindir. Özündə bir çox rəngləri birləşdirən bohem üslubu naxışlarla diqqət çəkir. Bohem stilinin əsas detalları şal, çiçək, etnik, tribal və suzani naxışlarıdır.

Uzun sarafanlar: Uzun yubka və donlar bohem stilinin əvəzolunmaz geyimləridir. Bohem stilini sevən xanımlar havadan asılı olmayaraq, uzun ətək və donları ilə dolaşırlar.

Saçaqlı aksessuarlar: Saçaq geyim üslubunda ən məşhur dekorlardan biridir. Bu tərzi birinci müasir Amerika hinduları, daha sonra kovboylar məşhurlaşdırır. Saçaqlı çantalar, jiletlər, çəkmələr bohem stilinin önəmli aksesuarlarıdır. Xüsusən də zamşa materialdan tikilən saçaqlı çantaların bohem stilində ayrı yeri var.

Kovboy papaqları: Kovboy papaqlar bohem stilinin əsas atributlarıdır. İsti havalarda həsir papaqlar bu stildə tez-tez istifadə edilir.

Aksessuarlar: Papaqlardan əlavə, bohem stilində geyinən hər bir xanımın dolabında mütləq saç bantları və çiçəkli tac kimi saç aksesuarları olmalıdır. Üst-üstə taxılan toxunma bilərziklər, quş tükləri, təbii daşlar və taxta muncuqlardan hazırlanan aksesuarlar bohem tərzini bildirir.

Bohem çəkmələr: Bohem stilinin eleqantlığı taxta dabanlı zamşa parçadan tikilən çəkmələrdə gizlənib. Adətən qəhvəyi tonlarda olan çəkmələrin üzərində dəri parçalar da əlavə olunur. Klassik kovboy çəkmələri bu stildə əsas yeri tutur.

Kimono pencəklər və cübbə paltarlar bohem stili etnik detalların ən çox istifadə edildiyi stillərdəndir.

Enli balaq şalvarlar: Bohem tərzinin ruhu azadlıq və sərbəstlikdir. Buna görə də bohem stilində geyinən birinin qarderobunda 70-ci illərin dəbi olan enli balaqlı, rahat şalvarlara rast gəlməmək qeyri-mümkündür.

Bohem stilini layiqincə daşımaq istəyirsinizsə, bohem stilinin dillərdə dastan olmuş dəb ilahərinin izləri ilə gedə bilərsiniz. Bohem stili dedikdə ilk olaraq ağla Keyt Moss, Sienna Miller, Nikole Riçi, Mari-Keyt Olsen, Vanessa Hudgens, İsabel Marant və Mischa Barton kimi qlamurlar gəlir.

Xəbər lenti

DAHA ÇOX XƏBƏR