Dünya

Obamadan Türkiyəyə dəstək: "Tam doğru addım atıb"

25 Noyabr 2015 10:06

Bu gecə ABŞ prezidenti Barak Obama ilə Türkiyə prezidenti Rəcəb Tayyib Ərdoğan arasında telefon danışığı olub.

Publika.az-ın xarici mətbuata istinadən verdiyi məlumata görə, danışıqlar zaman iki ölkə lideri ötən gün Türkiyə sərhədini pozan Rusiya hərbi təyyarəsinin vurulması və bu hadisədən sonra yaranan diplomatik böhranla bağlı müzakirələr aparıb.

B.Obama Ərdoğanla söhbətində Türkiyənin haqlı mövqeyini və özünün müdafiə haqqından istifadə etdiyini bəyan edib: “Türkiyə öz hava müdafiəsini təmin etmək üçün tamamilə doğru addım atıb. ABŞ və NATO olaraq Türkiyəni dəstəkləyirik”.

Telefon söhbəti zaman Barak Obama Türkiyə və Rusiya arasında yaranmış diplomatik böhranın tezliklə aradan qaldırılmasını və İŞİD-ə qarşı birgə mübarizə aparılmasının vacibliyini vurğulayıb.

Vasif Həsənli