İdman

Kikboksinq üzrə möhtəşəm çempionat başa çatdı

29 May 2015 20:34

Azərbaycan Kikboksinq Federasiyasının təşkilatçılığı ilə Gənclər və Yeniyetmələr arasında keçirilən 21-ci Azərbaycan çempionatı başa çatıb.

Publika.az xəbər verir ki, mayın 25-27-si aralığında keçirilən çempionatda medal uğrunda olduqca gərgin və maraqlı anlar yaşanıb. Bütün komandaların idmançılarında yüksək ruh müşahidə edilib. Kikboksinq üzrə 21-ci Azərbaycan Kuboku uğrunda gedən çempionatda “Neftçi” idman klubu bütün rəqiblərini geridə qoyaraq, qızıl medalların sayına görə birincilik əldə edib. Belə ki, klub 6 qızıl, 4 gümüş, 7 bürünc medala sahib olaraq, yarışın kubokuna sahib olub.

AKF-nın vitse-prezidenti Güloğlan Cabbarov “Neftçi” idman klubuna kuboku təqdim edərək onlara gələcək fəaliyyətlərində uğurlar arzu edib.

Yeniyetmələr arasında kuboka isə “Qızıl Əlcək” idman klubunun idmançıları sahib olublar.