Bayden imzaladı: Bu quş rəsmən ABŞ-ın simvolu oldu - FOTO

ABŞ prezidenti Co Baydenin Milad ərəfəsində imzaladığı qanuna əsasən, ağbaş qartal artıq rəsmi olaraq Birləşmiş Ştatların milli quşu sayılıb.

Publıika.az xəbər verir ki, bu barədə BBC məlumat yayıb.

Ağbaş qartal 1782-ci ildən bəri Amerika sənədlərində istifadə olunub. Lakin Konqres keçən həftə qanun layihəsini imzalamaq üçün Baydenə göndərənə qədər rəsmi olaraq milli quş kimi təyin edilməmişdi.

Lakin əvvəllər ABŞ-da heç də hamı yırtıcı quşun milli statusu ilə bağlı razılığa gəlmirdi.

Benjamin Franklin ağbaş qartalın ölkəni təmsil etməsinə etiraz edərək onu “pis əxlaqlı quş” adlandırmışdı.

ABŞ Veteranlarla İş Departamentinin məlumatına görəağbaş qartallar, dünyanın digər qartalları kimi, nəsillər boyu güc, cəsarət, azadlıq və ölməzlik simvolu hesab edilir. Digər qartallardan fərqli olaraq, ağbaş qartal yalnız Şimali Amerikada yaşayırdı.

Ağbaş qartal həmçinin növlərin satışını və ya ovlanmasını qadağan edən 1940-cı il Milli Gerb Aktı ilə qorunur. Bu quşlar bir vaxtlar nəsli kəsilmək ərəfəsində idilər, lakin 2009-cu ildən onların sayı xeyli artıb.

Tural