Avropa

Britaniya son 70 ilin ən pis maliyyə böhranı ilə üz-üzə

25 May 2024 15:40

Britaniyanın növbəti hökuməti 1950-ci illərdən bəri ən böyük büdcə problemi ilə üzləşəcək. Yüksək borc, yüksək faiz dərəcələri və aşağı iqtisadi artım yeni hökuməti gözləyir.

Publika.az xəbər verir ki, "Bloomberg" bu barədə Britaniya Maliyyə Tədqiqatları İnstitutunun analitik mərkəzinə istinadən məlumat yayıb.

İnstitutun direktoru Pol Consonun sözlərinə görə , bu problemi həll etmək üçün hökumət üç variantdan birini seçməli olacaq: dövlət xidmətlərinə xərcləri “ağrılı şəkildə” azaltmaq, artıq demək olar ki, son 70 ilin ən yüksək həddinə çatmış vergi yükünü artırmaq və ya yeni üsullara əl atmaq.

Qeyd edək ki, Avropa İttifaqından çıxmaqla bağlı referendumdan sonra Böyük Britaniya iqtisadiyyatı bir sıra problemlərlə, o cümlədən artan inflyasiya, habelə koronavirus pandemiyası və Brexit fonunda çoxlarının ölkədən getməsi nəticəsində yaranan sürücü çatışmazlığı ilə üzləşib.

Cəmilə