Avropa

Almaniya “gələcəyin döyüş maşını”nı bu ölkəyə TƏHVİL VERDİ

8 Yanvar 2025 07:30

Almaniyanın hərbi sənaye konserni “Rheinmetall” Ukrayna ordusuna ilk “Lynx KF41” piyada döyüş maşınını (IFV) təhvil verib.

Publika.az xəbər verir ki, bu barədə Almaniyanın “Frankfurter Allgemeine Zeitung” qəzeti məlumat yayıb.

Nəşrin məlumatına görə, "Rheinmetall" seriyalı tədarükü başlamazdan əvvəl "Lynx KF41" Ukraynada çöl sınaqlarından keçəcək.

Qəzet qeyd edir ki, əvvəllər "Rheinmetall" və Ukrayna hakimiyyət orqanları strateji əməkdaşlıq haqqında memorandum imzalayıb və Ukraynada artilleriya sursatlarının istehsalı və "Lynx" piyada döyüş maşınlarının istehsalı üzrə birgə müəssisənin yaradılması ilə bağlı danışıqlara başlayıblar.

Dekabrın 24-də Ali Radanın “Xalqın qulluqçusu” partiyasından olan deputatı Ruslan Qorbenko Almaniya kansleri Olaf Şoltsu “Taurus” uzaqmənzilli raketlərinin istehsalı texnologiyasını Ukraynaya ötürməyə çağırıb.

Hüseyn İbadlı