Britaniya rəsmən bildirdi: Putin qalib gələ bilməz, ordunu Ukraynaya göndərməyə hazırıq

Böyük Britaniyanın baş naziri Keir Starmer istənilən sülh sazişinin həyata keçirilməsini təmin etmək üçün Britaniya qoşunlarını Ukraynaya göndərməyə hazır olduğunu bildirib.

Publika.az xəbər verir ki, Starmerin sözlərini “The Telegraph” sitat gətirib.

"Böyük Britaniya Ukrayna üçün təhlükəsizlik zəmanətləri üzərində işin sürətləndirilməsində aparıcı rol oynamağa hazırdır. Buna, Böyük Britaniyanın ən azı 2030-cu ilə qədər artıq ildə 3 milyard funt sterlinq verdiyi Ukrayna ordusuna əlavə dəstək də daxildir. Bu həm də, lazım gələrsə, öz qoşunlarımızı yerləşdirməklə Ukraynanın təhlükəsizliyinin təmin olunmasına töhfə verməyə hazır olmaq istəyi deməkdir”, - ”, - Starmer bildirib.

Starmer qeyd edib ki, "Ukraynanın təhlükəsizliyinin təmin edilməsində istənilən rol bizim qitəmizin təhlükəsizliyini təmin etməyə kömək edir".

Britaniyanın baş naziri əmindir ki, müharibənin sonu Rusiya prezidenti Vladimir Putinin yeni hücumu qarşısında müvəqqəti fasilə ola bilməz.

Tural