Avropa

Polşa Almaniya ilə sərhəddə xüsusi əməliyyat keçirir: Berlin hansı təxribatı törədir?

7 İyul 2025 15:57

Polşa Almaniya ilə sərhəddə xüsusi əməliyyata başladığını elan edib.

Publika.az xəbər verir ki, bu barədə Polşanın müdafiə naziri Vladislav Kosinyak-Kamış bildirib.

Əməliyyata "Təhlükəsiz Qərb" adı verilib. "Polşa ordusu Almaniya ilə sərhəddə Sərhəd Mühafizəsinə və polisə dəstək verir", - Müdafiə Nazirliyinin rəhbəri bildirib.

Kosinyak-Kamış əlavə edib ki, Varşava Litva ilə sərhəddə də fəaliyyətini genişləndirir. Onun sözlərinə görə, xüsusi əməliyyatda iştirak etmək üçün beş min əsgər ayrılıb.

“Biz miqrasiya təhdidlərinə qətiyyətlə reaksiya veririk”, - o vurğulayıb.

Polşa dəfələrlə Almaniya polisinin qeyri-qanuni mühacirləri Polşa ərazisinə daşıdığını bəyan edib. Eyni zamanda, ötən ildən Almaniya tərəfində sərhəd nəzarəti var ki, bu da Varşavanın mənfi reaksiyasına səbəb olub. Kosinyak-Kamış daha əvvəl Varşava və Berlinin birgə sərhəd nəzarəti həyata keçirməyəcəyini vurğulayıb.

Tural