Bu ölkə Rusiya ilə sərhədə artilleriya diviziyası yerləşdirdi

Norveç Rusiya sərhədi yaxınlığında Cənubi Koreyanın K9 özüyeriyən topundan ibarət artilleriya diviziyası yaradıb.

Publika.az xəbər verir ki, bu barədə Rusiyanın Oslodakı səfiri Nikolay Korçunov bildirib.

Diplomatın sözlərinə görə, bu sistemlərin atəş məsafəsi təxminən 40 kilometrə çatır. Norveç ordusu gələcəkdə bu cür sistemlərin sayını əhəmiyyətli dərəcədə artırmaq niyyətindədir: 2028-ci ilin sonuna qədər ölkənin əlavə 24 K9 sistemi alması gözlənilir.

Korçunov həmçinin Oslonun Cənubi Koreyanın “K239 Chunmoo” çoxməqsədli raket sistemlərini almaq planlarını açıqlayıb. Səfir "İzvestiya"ya verdiyi müsahibədə bildirib ki, "2030-cu ilə qədər Norveç Silahlı Qüvvələri 16 buraxılış qurğusu və 500 kilometrə qədər mənzilli raketlər alacaq".

Diplomat həmçinin iddia edir ki, Norveç hakimiyyəti şimal Troms qraflığında ayrıca artilleriya diviziyası yaratmağı planlaşdırır. O, bunun Şimali Donanma obyektlərini və Rusiyanın Kola yarımadasındakı strateji infrastrukturunu Norveç silahlarının potensial diapazonuna daxil edəcəyini təxmin edir.

Müəllif: Tural