Merts AfD-ni etnik təmizləmədə ittiham etdi - Rusiyanı dəstəkləməkdə günahlandırdı

Almaniya kansleri Fridrix Merts ifrat sağçı Almaniya üçün Alternativ Partiyasını (AfD) Rusiyanı dəstəkləməkdə və miqrasiya əleyhinə siyasət yürütməkdə ittiham edib. Kansler partiyanın “reemiqrasiya” siyasətinin həyata keçirilməsinin mənşə və dəri rənginə görə etnik təmizləmə ilə eyni məna daşıyacağını bildirib.

Publika.az xəbər verir ki, Merts bu fikirləri Saksoniya-Anhalt əyalətində keçirilən seçkilərdə partiyasının məğlubiyyətindən sonra Almaniya parlamentində çıxışı zamanı səsləndirib.

“Miqrasiya keçmişi olan insanlar da ixtisaslı peşələrdə çalışırlar. Əgər burada təklif olunan, yəni “reemiqrasiya” siyasəti reallığa çevrilsəydi, bu, mənşə və dəri rənginə görə etnik təmizləmənin sinonimindən başqa bir şey olmazdı”, - Merts deyib.

Parlamentdə çıxışı zamanı kansler AfD-nin həmsədri Alis Vaydel ilə Ukraynadakı münaqişə ilə bağlı mübahisə edib.

Vaydel Mertsi münaqişəni qızışdırmaqda və hərbi təbliğatı gücləndirməkdə ittiham edib. Merts isə buna cavab olaraq AfD-ni Rusiyanı dəstəkləməkdə günahlandırıb.

Müəllif: Adəm