Almaniyada müdafiə planı ilə bağlı qalmaqal: Nazir sənədi geri istəyir

Almaniyanın müdafiə naziri Boris Pistorius Saksoniya-Anhalt federal torpağında məxfi hərbi sənədin təhlükəsizliyini qorumaq üçün Operativ Planın (OPLAN) geri götürülməsini istəyir.

Publika.az "RedaktionsNetzwerk Deutschland"a (RND) istinadən xəbər verir ki, Pistoriusun bu addımı sənədin Saksoniya-Anhaltda seçkilərdə qalib gələn “Almaniya üçün Alternativ” (AfD) partiyasının əlinə keçə biləcəyi ilə bağlı narahatlıqdan irəli gəlir.

Saksoniya-Anhalt Dövlət Kanslerliyinin rəhbəri Rayner Robra isə müdafiə planına çıxışın məhdudlaşdırılması ilə bağlı fikirləri tənqid edib. O bildirib ki, federal torpağın müdafiə məsələləri ilə bağlı məlumatlara çıxışının məhdudlaşdırılması halında torpaqlar və federal hökumət arasında qarşılıqlı fəaliyyətin necə həyata keçiriləcəyini təsəvvür etmək çətindir.

Qeyd edək ki, OPLAN təhlükələrin erkən müəyyənləşdirilməsi və çəkindirmədən başlayaraq dövlət müdafiəsi, NATO-nun kollektiv müdafiəsi və münaqişədən sonrakı bərpaya qədər beş mərhələdən ibarət eskalasiya modelini təsvir edir.

Pistoriusun narahatlığı AfD-nin Saksoniya-Anhalt parlamentinə keçirilən seçkilərdə qələbəsindən sonra məxfi sənədin partiyanın sərəncamına keçməsi ehtimalı ilə bağlıdır. Almaniya hakimiyyəti AfD-ni konstitusiya quruluşu üçün təhlükə hesab edir.

Rayner Robra vurğulayıb ki, OPLAN-ın geri alınması federal torpaqlarla mərkəzi hakimiyyət arasındakı konstitusion qarşılıqlı fəaliyyəti poza bilər.

Almaniyanın Müdafiə Nazirliyi isə RND-nin məlumatını hələlik şərh etməyib.

Müəllif: Adəm