Avropada qaz qiymətləri enerji böhranı səviyyələrinə yaxınlaşdı

Avropanın əsas mərkəzlərində növbəti gün üçün təslim edilməklə qazın qiyməti 1 min kubmetr üçün 1 min dolları ötüb. Qiymətlərin belə səviyyəsi 2022-ci ilin sonunun energetika böhranının göstəriciləri ilə müqayisə oluna bilər.

Publika.az xəbər verir ki, bu barədə “Gazprom” şirkətinin mətbuat xidməti məlumat yayıb.

Şirkət bildirib ki, yüksək qaz qiymətləri və Avropanın yeraltı anbarların doldurulmasında gecikmələr qarşıdan gələn soyuq dövrdə istehlakçıların qaz təchizatının etibarlılığı üçün riskləri artırır.

“Gazprom”un “Gas Infrastructure Europe”a istinadla verdiyi məlumata görə, sentyabrın 8-nə Avropa yeraltı qaz saxlanc anbarları 67,3 faiz dolub. Onlardakı aktiv qazın həcmi bir il əvvəlki göstəricidən 12,8 milyard kubmetr az olub.

“Gazprom”dan həmçinin qeyd ediblər ki, payız və qış yaxınlaşdıqca Avropa saxlanc anbarlarındakı qaz ehtiyatları azalır. Bunun fonunda qiymət artımı isitmə mövsümündə tədarük vəziyyəti ilə bağlı narahatlıqları gücləndirir.

Hüseyn İbadlı