Zavallı ata: "Allah xatirinə, yardım edin, qızımı alan olmayacaq" - FOTO

"Mənə yardım edin! Allah naminə, kömək edin! Üzüm qismən də olsa, normallaşmasa, qızımı alan olmayacaq!"

40 yaşlı Həşmət Əlinin dediyinə görə, təcili plastik cərrahiyyə əməliyyatına ehtiyacı var. Amma belə əməliyyat üçün pul tapa bilmir. Daha doğrusu, pulu yoxdur.

Banqladeşin cənubundakı Sundarbans bölgəsində yaşayan balıqçı

Həşmət 20 il əvvəl manqra meşəliyində pələngin hücumuna məruz qalıb. Pələng pəncəsinin zərbəsi nəticəsində onun üzünün sol tərəfi faktiki olaraq yoxdur.

Xəstəxanaya aparılan və üzündəki yaralara 6 saat sərasər tikiş qoyulan Həşmət o vaxtdan bəri ictimai yerlərə yollana bilmir, dükan-bazara getmir. O, daim üzü sarıqlı gəzir.

"Üzüm eybəcərdir. Belə eybəcər adamın qızını kim alar?! Özümə görə yox, qızımın gələcəyi, normal həyatı üçün yardıma ehtiyacım var", - deyən Həşmət ağlayıb.

Banqladeşdəki inanclara görə, pələng hücumuna məruz qalan adamlar lənətləniblər. Belə adamlardan kənar durur, onlarla qohum olmamağa çalışırlar. (milli.az)