Bilgi.az
Milli Məclisin ağlamalı gülməcələri - MARAQLI
Sabiq deputat, hazırda AMEA-ın İqtisadiyyat İnstitunun direktoru olan professor Nazim İmanov millət vəkili olduğu dönəmlərdə parlamentdə yaşanan maraqlı və məzəli hadisələri sonradan kitab halında cəm edib. "Milli Məclisin ağlamalı gülməcələri" adlanan kitabça əslində N.İmanovun zaman-zaman etdiyi qeydlərin nəticəsidir. Müəllif onu Milli Məclisdə qazandığı dostlarına həsr edib.
Modern.az həmin kitabçadakı əhvalatların
təqdimatına davam edir.
Yenə yerliçilik
Deputatlığının üçüncü ilində Firdovsi Əliyev ingilis dili öyrənməyə
girişdi. Ara-sıra biliyini möhkəmləndirmək ya da göstərmək üçün
arxa sırada oturan Şadman Hüseynə tərəf dönüb ingiliscə "ixtilat"
eləyirdi. İxtilat deyəndə ki, yəni nə var-nə yox, necəsən, havalar
yaxşı keçir... Bunu eşidən Şaitdin Əliyev tənəffüsdə Firdovsiyə
yaxınlaşdı və şübhəli-şübhəli baxa-baxa aktual bir sual verdi:
- Ala Firdovsi, Şadmannan zor sööbət eliyirdüz. Ala, bu da
talışduu?
Baş tutmayan görüş
Avropada seminardan qayıdandan sonra Milli Məclisin koridorunda Yaşar Əliyevlə görüşdük.
- Nətər keçdi seminarınız?
- Yaxşı oldu.
- Em-Ve-Ef sizə bir şey öyrədə bildi?
- Yox.
- Əlbəttə. Sən onlardan çox bilirsən. Yəqin sən onları öyrətmisən.
- Yox, mən də öyrədə bilmədim.
- Niyə?
- Heç görüşə bildik ki?!
Konspirativ hörmət
ABŞ-dan qayıtdıqdan sonra Milli Məclisə ilk gəlişimdir. Kərim Kərimov guya məndən narazılığını ifadə etməkçün, amma əslində öz "iqtidarçı sədaqətini" ətrafdakılara nümayiş etdirməkdən ötrü arxaya dönür:
- Hə nooldu, getdin Amerkannarın yanında məmləkəti biyabır elədin? Siz müxalifətin əlinnən başqa nə gəlir ki?! Və sair. Görürəm ki, ciddi mübahisə yeri deyil:
- Əşi ollar heç e, Kərim müəllim, əsas məsələ başqadı. Sonra yadıma sal, deyim.
- Bah! Nə deyəcəksən?! Nə sözün var, indi de. Mənim camaatdan sirrim-zadım yoxdu.
Bir az "yox, indi yox, sonra deyərəm"dən sonra:
- De deyirsən, deyim də. Rəsul Quliyev sənə salam göndərdi.
Yan-yörəmizdəki YAP-çılar Kərim müəllimə "hücum" çəkdilər. Eldar Sabiroğlu xüsusi məzələndi:
- Ahaaa! İşin üstü açıldı. Mən həmişə bilirdim ki, bu Kərim Kərimov səkkiz yerə işdiyir.
Kərim müəllim qıpqırmızı qızarır, gah sağa, gah sola dönüb "vallah, boş sözdü" deyirdi. İki dəqiqə əvvəl mənə söylədikləri nəinki ətrafdakıların, lap özünün də yadından çıxdı.
-
Cənubi Qafqaz09:50
Paşinyan 1000-dən çox xüsusi təyinatlını sərhədimizə göndərdi - Nə baş verir?
-
Hadisə09:35
Tanınmış aşığın gəlini evdən qaçdı - VİDEO
-
Nida Xəbər 09:30
Ermənistan polisi Azərbaycanla sərhəddə xüsusi əməliyyat keçirir - Saxlanılanlar var
-
Hadisə09:18
Əri tərəfindən başı kəsilən Sevincin toy görüntüləri - VİDEO
-
Magazin208:45
18 il sonra Şeron Stoundan “Kurtlar Vadisi” ETİRAFI - VİDEO
-
Ekologiya08:30
Bakıda küləkli hava nə vaxtadək davam edəcək?
-
Nəqliyyat08:25
Bu yolda avtomobillərin hərəkətinə məhdudiyyət qoyuldu
-
İdman08:20
Reşford yenə gecə klubunda: Bu dəfə kolumbiyalı gözəllə – FOTO