Dəb

Sıxıcı qış obrazına rəng qatan ideyalar - FOTOLAR

17 Dekabr 2016 02:20

Sviter gündəlik qış qarderobunun əvəzolunmazı olsa da, onu dəblə geyinməyin müxtəlif variantları var.

Publika.az-ın dəb bölməsi sviteri maraqlı göstərən 8 ideyanı təqdim edir. Bu ideyalar sizin gündəlik qış obrazınızı müxtəlifləşdirməyə kömək edəcək:

Yay donu + sviter

Yüngül yay donlarından ayrılmaq istəmirsiniz? Heç lazım da deyil! Çünki onunla qalın sviterin təzadı həmişə əla görünür.

Sviter + boyunbağı və ya yaxa sancağı

Sviterlə cansıxıcı görünmək istəmirsiniz? Onda onu cəlbedici kulonu olan boyunbağılar və yaxa sancağı ilə zənginləşdirin. Üstəlik, burada heç bir məhdudiyyət yoxdur.

Sviter + balağı qatlanmış cins şalvar

Sviterlə açıq cinslər bir-biri ilə təkrarolunmaz ahəng yaradırlar. Qeyd edək ki, cinslərin balağını qatlamaq bu il dəbdədir!

Sviter + boyun yaylığı

İpək şərf boynunuzu həm soyuqdan qoruyacaq, həm də zərifliyinizi vurğulayacaq.

Sviter + düyməli köynək

Köynək istənilən sviterə ciddi görkəm qatacaq. Bu eksperimenti aparmaqdan qorxmayın. Çünki köynəklə sviterin birləşməsi ən uğurlu dəb duetidir.

Sviter + çoxqatlı və ya büzməli yubka

Sviterlə büzməli yubkalar xüsusilə qəşəng görünür. Obrazın effektli alınması üçün belinin incəliyini vurğulayan kəmər əlavə etməyi unutmayın.

Sviter + böyük saat

Böyük siferblatlı kişi saatı ilə toxunma köynək çox gözəl uzlaşır.

Sviter + ağ futbolka

Ağ futbolkanı çox qısa sviterlə birləşdirərək ona ikinci “həyat” vermək olar. Bu qarışıq obrazınızla sanki qışın şaxtasına etinasız yanaşdığınızı nümayişkəranə şəkildə bəyan edəcəksiniz.

Aytən

Facebook səhifəmizdə mövzu ilə bağlı müzakirələrə qoşula bilərsiniz