Bədən tipinə uyğun şalvar modelini tap! – FOTOLAR

Qış mövsümündə ən çox istifadə edilən geyimlərdən biri də cins şalvarlardır. Demək olar ki, hər rəng geyimlə yaraşan cins şalvarın modelini doğru seçmədikdə kombinləriniz uğursuz alına bilər.

Çünki cins şalvar alarkən bədən tipinizi və çəkinizi nəzərə almalısınız. Əks təqdirdə, olduğunuzundan daha kök görünə bilərsiniz.

Publika.az-ın məsləhətlərinə əməl etməklə sizin üçün ən uyğun cins modelini tapa bilərsiniz.

Tündrəngli cins

Tünd rəng cins heç vaxt dəbdən düşmür. Üstəlik, belə şalvarı demək olar ki, hər cür kofta və köynəklə geyinmək olur. İdeal çəkidə olmayanlar ayaqlarını daha biçimli göstərmək üçün bu cür cinslərə üstünlük verməlidirlər.

Enlibalaq cins

Ayaqlarınız incə və uzun deyilsə, enlibalaq cins geyinməyiniz məsləhət deyil. Belə halda ya bol kəsimli şalvar geyinin, ya da bədənə yapışan cinsi uzun kofta ilə tamamlayın.

Qeyri-adi modellər

Trendləri təqib etmək gözəldir, ancaq sizə yaraşanı tapmaq daha önəmlidir. Mağazaya gedin və bütün cins modellərini geyinərək sizə ən çox hansının yaraşdığını tapın. Daha öncə heç müraciət etmədiyiniz modelləri sınaqdan keçirməkdən çəkinməyin.

Ləman Sultan