Dəb

Modapərəstləri heyrətləndirən növbəti dəb şousu - FOTOLAR

25 Fevral 2016 10:45

Milan Moda Həftəsi çərçivəsində “Gucci”nin yeni kolleksiyası nümayiş olunub.

Publika.az xəbər verir ki, moda evinin kreativ dizayneri Alessandro Mikelenin hazırladığı orijinal kolleksiyasını görmək üçün dəfiləyə Miroslava Duma, Elizabet Olsen, Karin Roytfeld və digər tanınmışlar qatılıb.

Alessandro Mikele vəzifəyə başladığı andan etibarən radikal dəyişiklikləri ilə bütün dəb həvəskarlarını təəccübləndirir, onun qeyri-adi fasonları uzun müddət dəb dünyasında müzakirə obyekti olur. Dizaynerin növbəti şousu da istisna olmayıb. O, 2016-2017-ci ilin payız-qış mövsümü üçün hazırladığı kolleksiyada yenidən vintaj stilinə müraciət edib. Buna baxmayaraq, dizayner çıxışı zamanı arxivin məhbusu olmaq niyyətində olmadığını bildirib:

“Mən həmişə öz ideyalarımı həyata keçirirəm. İdeyalarım obyektiv tarixi faktlara söykənmir, onlar subyektiv yaddaşda yaşananlardan doğur”.

Belə görünür, dizayner moda evinin üslub konsepsiyasını tamamilə dəyişməkdə iddialıdır. Artıq bir ildən çoxdur ki, dizayner darıxdırıcılıqdan çox uzaq əlvan, romantik paltarlar yaratmağa çalışır. Qeyd edək ki, Mikele iri bant, volan və böyük çərçivəli eynəklər, eləcə də, beret və rəngbərəng kolqotqalardan imtina etmək fikrində deyil.

Yeni kolleksiyada dizayner nağıl qəhrəmanları motivlərinə də müraciət edib. Mikele ciddi üslubda geyinən xanımları da unutmayıb və onlar üçün birrəngli kostyum dəstləri hazırlayıb.

Aytən