Dəb

Nağıllar aləminə aparan italyan dəbdəbəsinin FOTOLARI

1 Mart 2016 15:15

Milan dəb həftəsi çərçivəsində İtaliyanın ən məşhur “Dolce & Gabbana” brendinin 2016-2017 payız-qış kolleksiyası nümayiş olunub.

Publika.az xəbər verir ki, moda evinin dizaynerləri Domeniko Dolçe və Stefano Qabbana öz müştəriləri üçün qeyri-adi kolleksiya hazırlayıb. Belə ki, onlar bu dəfə meşədə gəzərkən ağ atlı şahzadəsinə rast gələn gözəlin hekayəsini təqdim edib. Dizaynerlər bir neçə nağıl qəhrəmanını bir kolleksiyada birləşdirməyə çalışıb.

Yeni kolleksiya artıq çoxdan ənənəyə çevrilmiş gözəl naxışlar və parlaq rəng qamması ilə müşayiət olunub. Zoluşka, Yatmış gözəl, Buz kraliçası və digərlərinin obrazları rəngbərəng güllər, naxışlar, zərli iplər və bədii tikmələrlə müşayiət olunub. Əlbəttə, yeni kolleksiyadakı ən cəlbedici detalları: aksessuarları, çanta və ayaqqabıları qeyd etməmək mümkün deyil. Onlar nağıl personajlarına uyğunlaşdırılıb. Nəticədə, kolleksiya həmişəki kimi parlaq və gözəl, ən başlıcası isə nağılvari alınıb!

Aytən