Dəb

70-ci illərin unudulmuş dəbi yenidən gündəmdə - FOTOLAR

3 Mart 2016 11:15

Moda - müxtəlif dövr tendensiyalarının, ideya və xatirələrin mürəkkəb burulğanıdır. Bəzən artıq unudulmuş mövzular qəfil podiumlara qayıdır. Hər yeni mövsüm dəb tendensiyalarını təhlil edərək, köhnə üslubların müasir dəbə qayıtdığını müşahidə edirik.

Publika.az xəbər verir ki, xüsusilə, 70-ci illərin fasonları, unudulmuş üslubları bu il müasir dəb dünyasının əsas leytmotivi olub.

70-ci illərin təsiri dəb dünyasında hökmranlıq etməyə davam edir. Modapərəstlər də bu vəziyyətdən şikayətçi deyil. Məsələn, 70-ci illərin ən populyar materiallarından olan yumşaq dərilər, zamşa baharın əsas trendi olacaq. Dizaynerlərin əksəriyyəti də bu bahar ənənəvi klassik plaşların zamşadan tikilmiş variantlarını təklif edir.

Daha çox qəhvəyi tonları diqqət çəkən plaşları modapərəstlər qısaboğaz və qalın dabanlı çəkmələrlə birləşdirir. Bu plaşların ən mükəmməl vəhdəti isə cins şalvarlarladır. Başdan-ayağa qara geyinməklə seksual dəst yaratmaq da öz əlinizdədir. Qəhvəyi ilə qaranın birləşməsi cazibənizi daha da qüvvətləndirəcək.

Aytən