Dəb

Tanınmış dizayaner xəzə “YOX” dedi

27 Mart 2016 17:55

Dünya şöhrətli dizayner Corcio Armani yeni kolleksiyaların hazırlanmasında təbii xəzdən istifadə etməyəcək.

Publika.az xarici mətbuata istinadən xəbər verir ki, dizayner bu qərarı verməklə yüksək moda dünyasında yeni bir səhifə açır. Əvvəlki kolleksiyalarında dovşan və samur xəzlərindən istifadə etsə də, bundan sonra heyvanların öldürülməsinə qarşı çıxmağa qərar verib.

Corcio Armaninin sözlərinə görə, yeni texnologiyalar sayəsində süni xəzlər onlara alternativ olacaq. Yeri gəlmişkən qeyd edək ki, bu qərar moda evinin digər qolları “Armani Prive” və “Emporio Armani” üçün də keçərlidir.

Dizaynerin bu addımı atması heyvan hüquqları müdafiəçilərini sevindirib. PETA ("Heyvanlarla etik davranış tərəfdarı olan insanlar") təşkilatı isə moda dünyasının da heyvanların dostu olmasını mühüm addım kimi qiymətləndirib.

Xatırladaq ki, “Stella McCarney” də təbii xəzin istifadəsindən imtina edib.

Aytən