Dəb

Bahar havasına uyğun trençkotlar – FOTOLAR

30 Mart 2016 10:45

Trençkot bahar aylarının ən sevilən geyimlərindəndir. Həm gündəlik, həm də şıq geyimlərlə uyğunlaşan trençkot mütləq bahar qarderobunda yer almalıdır.

Trençkot hər geyim tərzi ilə yaraşır. Üstəlik, bu il klassik trençkot modelləri ilə yanaşı, ilan dərisi və leopard naxışlı olanlar da dəb olacaq.

Trençkot alarkən bir-iki nüansa diqqət etmək lazımdır. Məsələn, bir trençkotu müxtəlif geyimlərlə uyğunlaşdırmağı planlaşdırırsınızsa, kəmərli modellərə üstünlük verməlisiniz. Bu cür trençkotu cinslə, qələm ətəklərlə, hətta idman ayaqqabısı ilə də geyinmək olar.

Qısa boylular beldən olan qısa trençkotlara üstünlük verməlidir. Uzun boylular isə istədikləri modeli seçə bilərlər.

Kök görünməkdən ehtiyat edənlər dik yaxalı, düyməli modellərdən seçməlidir. Belə trençkot sizi olduğunuzdan daha incə göstərəcək.

Publika.az bahara uyğun trençkot modellərini təqdim edir:

Ləman Sultan