Dəb
Sadəliyi sevənlər üçün bahar dəstləri – FOTOLAR
Yumşaq çalarlı pastel rəngləri ilin istənilən vaxtı əhval-ruhiyyəni qaldırmağa qadirdir. Lakin etiraf etmək lazımdır ki, bu rənglər günəşli yaz və yay günlərində daha effektli görünür. Publika.az-ın dəb bölməsi xəbər verir ki, açıq rənglər mövsümün trendlərindən biridir.
Dəb cərəyanları hər mövsüm bizi qarderoba açıq rəngli geyimlər daxil etməyə dəvət edir. Bütün bunlar çox gözəl, çox cəlbedici və cazibədardır, amma kiçik problem var. Həm mövsüm trendləri ilə ayaqlaşmaq, həm də qüsursuz obraz yaratmaq üçün rənglərin ideal ahəngini və vəhdətini tapmaq lazımdır.
Çünki bəzən seçdiyimiz rəng bizə yaraşmır, yaxud sevdiyimiz rəngi başqa rənglərlə uğurlu şəkildə uzlaşdıra bilmir və bu yolla gözəlliyimizə xələl gətiririk. Əlbəttə ki, bu məsələdə təcrübə, stilist məsləhətləri sizə kömək edəcək, həmçinin moda jurnalları ilham mənbəyiniz olacaq. Biz modapərəst xanımların işini asanlaşdırmaq üçün bu yazıda müxtəlif çalarları bir-biri ilə mükəmməl şəkildə uyğunlaşdırmaq mövzusunda rənglərin cədvəlini təklif edirik.
Bənövşəyi
Bu çox xoş və incə çalardır, eyni zamanda, kifayət qədər cəlbedicidir. Bu nəcib rəngin açıq tonları mavi və açıq yaşılla birləşərək gözəl ahəng təşkil edir.
Açıq cinslə pastel rənglərinin vəhdəti
Cins şalvar çoxdan qarderobun icbari geyim statusunu alıb. Açıq cinslərin ağ, boz, zərif çəhrayı ilə vəhdəti çox şux və şən görünür.
Çəhrayı
Çəhrayını ən çox kiçik qızlar sevirlər. Balaca qızların qarderobunda ayaqqabıdan tutmuş saç lentlərinə qədər hər şey çəhrayı rəngdədir. Uşaqlığımızı xatırladan bu rəngdən böyüdükdən sonra üz çevirmək məcburiyyətində deyilsiniz. Bu rəng nə qədər qəribə olsa da idman üslubuna daha çox yaraşır. Açıq çəhrayının ağ, boz və ya bənövşəyi ilə birləşməsi 100% əla alınır.
Mavi
Soyuq mavi ilə digər pastel rəngi bir-biri ilə yaxşı yola gedən rəng qruplarına daxildir. Ümumiyyətlə, açıq mavi ilə istənilən rəngin birləşməsi çox ecazkar alınır.
Açıq qəhvəyi
Qəhvəyi çalarlarını cəsarətlə ölməz klassikaya aid etmək olar. Açıq qəhvəyi romantik bahar obrazı yaratmaq üçün ən uğurlu seçimdir.
Füruzə
Qəhvəyi ilə firuzə çalarlarını birlikdə istifadə etmək yaxşı variantdır. Bu iki rəng birlikdə çox zərif, eyni zamanda, təravətli görünür.
Limon sarısı
Dizaynerlər bu mövsüm sarının ən açıq variantını təklif ediblər. Sarının mavi, həmçinin bozla vəhdəti obrazın uğurlu alınmasına dair zəmanətdir.
Aytən
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu