Dəb

Köynəyi tərsinə geyinmək trendi – FOTOLAR

12 Aprel 2016 15:45

Açıq köynəklər heç vaxt dəbdən düşməyən, bütün mövsümlərdə aktual olan klassik geyimdir. Onunla istənilən geyim çox rahat sintez olunur, həm də insanı yormur.

Publika.az-ın dəb bölməsi xəbər verir ki, ciddi üslubun əsas elementi hesab olunan köynəkləri dizaynerlər indi qeyri-adi formada təqdim etmək qərarına gəlib. Açıq rəngli, ön hissəsi düyməli köynəkləri indi tərsinə geyinmək dəbdədir. Prinsipcə köynəyin hansı formada olmasının ciddi fərqi yoxdur, əsas məsələ onun qeyri-standartlığıdır.

Qeyri-adi tərzdə biçilmiş köynəklər bu il ən orijinal trend olmağa iddialıdır. Belə köynəklər, əslində, kişi qarderobuna aiddir. Onu kişi stilindən uzaqlaşdırmağın ən yaxşı variantı aksessuarlara yönəltməkdir. Köynəyi tərsinə geyinmək trendinə aid bir neçə nümunə təqdim edirik.

Aytən