Dəb

Rihannanın yeni dəb ehtirası ilə tanış olun – FOTOLAR

1 İyun 2016 11:22

Havaların isinməsi ilə ağaclar kimi dünya şöhrətli müğənni Rihannanın da qarderobu yaşıllaşıb. Publika.az xəbər verir ki, müğənni son vaxtlar yaşıl rəngə daha çox üstünlük verməyə başlayıb.

Bir neçə həftə əvvəl Rihanna şahzadə üslubuna bənzəyən, yaşıl tüldən tikilən zərif don geyinmişdi. Onun bu donu “Molly Goddard” brendindəndir. Daha sonra Riri yaşıl rəngli krujevadan tikilən və “Gucci” markasına aid olan uzun paltar geyinmişdi. Növbəti gün isə o, “Nina Ricci”dən yaşıl dəridən hazırlanan, çiyni açıq, mini paltar seçmişdi.

Dünya şöhrətli ifaçı “Billboard Music Awards-2016” musiqi mükafatlarının təqdimat mərasimində də yaşıldan imtina etməmişdi. O, bu tədbirə “Thierry Mugler” moda evindən vintaj səhnə kostyumu seçib və qara rəngli kostyumu yaşıl xəzlə vurğulayıb. Mükafatı almağa çıxanda isə o, səhnəyə əyninə kip oturmuş, uzun və ipli donda çıxıb. Bu paltar “Dries Van Noten” markasındandır.

Biz ulduzun ən yaddaqalan yaşıl rəngləri dəstlərini seçmişik.

Aytən