Yayın çılğın bilərzik dəbi - FOTOLAR

Yayda səyahət edənlər getdiyi ölkənin yerli dükanlarından xatirə kimi ya maqnit aksessuarlar, ya da rəngli bilərziklər alır. Lakin belə bilərzik almaq üçün səyahət etmək vacib şərt deyil. Belə ki, istənilən aksessuar mağazasında kifayət qədər və müxtəlif çeşidlərdə rəngli muncuq və iplərdən toxunan bilərziklərə rast gəlmək olar.

Publika.az xəbər verir ki, rəngbərəng bilərziklər yayın çılğın trendi olmağa iddialıdır. İstər bahalı, istərsə də demokratik brendlər bu yay parçalardan hazırlanmış, yaxud iplərdən toxunmuş al-əlvan rəngli bilərzikləri ilə xanımları sevindirib. Məsələn, “Cartier” brendi zərgərlik variasiyalarını, “Cruciani” xırda və rəngli muncuqlardan hazırlanan qolbaqları, “Topshop” üzərində gülməli və ya romantik sözlər yazılmış, həmçinin rezin bilərziklər təklif edir. Zərif qadın əllərini bəzəyən belə bilərziklər əsl yay ab-havası yardır, parlaq rənglər isə ətrafa müsbət enerji saçır. Belə aksessuarı taxmaq üçün hər hansı məhdudiyyət yoxdur, hər iki qolunuzu rəngli bilərziklərlə doldura, hətta saatla birlikdə taxa bilərsiniz.

Publika.az rəngli bilərzik dəbinə aid bir neçə nümunə seçib.

Aytən