Dəb

Qadın çanta dəbi 100 ildə belə dəyişdi - VİDEO

2 İyul 2016 16:33

"100 ildə moda" layihəsinin müəllifləri modapərəstləri sevindirməkdə davam edir.

Publika.az xarici mətbuata istinadən xəbər verir ki, bu dəfə layihə müəllifləri qadın çantalarının son 100 ildə necə dəyişdiyini göstərən video çarxı təqdim edib. 3 dəqiqəlik videoda qadın çanta dəbinin son 100 ildə hansı dəyişikliyə məruz qaldığı ilə tanış ola biləcəksiniz.

Qeyd etmək lazımdır ki, video çarxın müəllifləri dəb həvəskarlarını qadınların müxtəlif illərdə çantalarında gəzdirdiyi aksessuarlarla da tanış edib. Sözsüz ki, əvvəlki illərlə müqayisədə müasir qadın çantasında gəzdrdiyi əşyalar xeyli fərqlənir. Məsələn, ötən əsrdə yaşamış qadın çantasına naxışlı salfetlər, parlaq dodaq boyası, ənlik, yelpik və digər lazımi əşyaları qoymaqla kifayətləndirdi. Müasir qadının çantasında isə telefon, selfi çubuğu, qulaqcıq və.s texniki əşyalar əsas yer tutur.

Aytən