Bu ayaqqabılar ilin trendi olacaq - FOTOLAR

Ayaqqabı heç vaxt çox olmur, bununla da hər qız razıdır. Lakin modapərəst bir qızın qarderobu ayaqqabı ilə nə qədər dolu olsa da, bu kimi modellər orada dəqiq yoxdur.

Publika.az xarici mətbuata istinadən xəbər verir ki, Vyetnamın “Fashion4freedom” şirkəti “Saigon Socialite” adlı maraqlı ayaqqabı seriyası buraxıb. Bu seriyanı bəlkə də ayaqqabı adlandırmaq doğru olmazdı, demək olar ki, hər biri əsl sənət əsəridir. Üstü dəridən hazırlanan ayaqqabıların dabanı qədim Vyetnam işləmə texnikası istifadə etməklə taxtadan yerinə yetirilib. Vyetnam moda evi bununla qədim ənənələrini yad edib, eyni zamanda onları müasir versiyada təqdim edib. Hər cütün yaradılmasına üç həftə sərf olunub.

“Fashion4freedom” brendi bu ayaqqabılardan əldə edilən gəlirin bir hissəsini uşaq evlərinə verəcək. Bundan əlavə, şirkət yerli kənd sakinlərinə istehsal texnologiyalarını öyrədir, gəlirlərini artırmaq üçün onlara kömək edir. Ona görə də belə ayaqqabıları almaqla siz nəinki ayaqqabı kolleksiyanızı artırmış olacaq, həm də əmin ola bilərsiniz ki, pulların bir hissəsini xeyirxah məqsədlər üçün sərf olunacaq.

Aytən