Dəb

Yeni baş nazirin ayaqqabıları gündəm oldu - FOTOLAR

13 İyul 2016 10:45

İngiltərənin yeni baş naziri Teresa May bəbir naxışlı ayaqqabı pərəstişkarıdır.

Publika.az xarici mətbuata istinadən xəbər verir ki, Böyük Britaniyanın referendumda Avropa İttifaqından ayrılma qərarı verməsindən sonra baş nazir postundan istefa verən Devid Kameronun yerinə keçən şəxsin adı dəqiqləşib. Daxili işlər Naziri Teresa Mayın bu gün öz vəzifəsinə başlaması gözlənilir.

26 il sonra ilk dəfə bir qadının baş nazir kreslosuna oturması ingilis xalqını da həyəcanlandırıb. İngiltərənin baş nazir vəzifəsinə namizəd göstərilən Teresa Mayın geyim tərzi diqqət çəkib. Belə ki, İngiltərə mətbuatında Mayın siyasi kimliyi və xarakteri ilə yanaşı, onun geyim tərzi də müzakirə mövzusu olub. Stilistlərin şərhlərinə görə, Teresa May statusuna uyğun olaraq klassik üslubda geyinir. Çox vaxt tünd paltarlar geyinir, amma arada qırmızı rəngə də müraciət edir. Lakin ayaqqabı seçimində olduqca iddialı davranır. O, xüsusilə bəzəkli və bəbir naxışlı ayaqqabıları çox üstünlük verir. Siyasətçi xanım dünən Londonda baş nazirin iqamətgahında Kameronla görüşdə klassik geyimini bəbir naxışlı ayaqqabılarla tamamlayıb.

Qeyd edək ki, keşiş qızı olan Mey Oksford Universitetini bitirib. İntizamı və sərt siyasəti ilə Marqaret Tetçerə bənzədildiyi üçün ölkəsində “yeni Dəmir Ledi” adlandırılır.

Aytən