Dəb

Məşhur modelyer: "Biz də sizinlə birlikdə dəyişirik" - FOTOLAR

15 Sentyabr 2016 15:41

Nyu-York moda həftəsi çərçivəsində “Ralph Lauren” moda evinin yeni kolleksiyası nümayiş olunub.

Publika.az xarici mətbuata istinadən xəbər verir ki, klassik amerikan dəbinin nümayəndəsi Ralf Lorenin hər kolleksiyası dəb sənayesi üçün əsl hadisədir. Onun yeni dəb nümayişini isə yaz-yay kolleksiyası adlandırmaq səhv olardı. Belə ki, dizaynerin kolleksiyası yaz-yay mövsümü üçün deyil, sentyabr ayı üçün nəzərdə tutulub. Amerikanın məşhur moda evi dəb inqilabının yeni dalğasında “runway-to-retail” konsepsiyasını təqdim edib.

Dəfilədə Cessika Alba, Culiana Mur, Rozi Hantinqton-Uaytli və başqa ulduzlar qonaq olub. Dəfilədən sonra qonaqlara yeni kolleksiyanın məhsulları ilə yaxından tanış olmaq və almaq təklif edilib.

Ralf Loren inqilabi dəyişiklikləri haqqında bunları deyib: “Mən əvvəldən sizi düşünərək geyim yaratmışam. Siz öz həyat tərzinizi dəyişir və biz də sizinlə birlikdə sizin üçün dəyişirik”.

Aytən