Dəb

Dəbdə “Keyt effekti” - FOTOLAR

16 Sentyabr 2016 11:45

Keyt Middleton Böyük Britaniyanın ən tərzli xanımı seçilib.

Publika.az xarici mətbuata istinadən xəbər verir ki, London Moda Həftəsi ərəfəsində Rakuten Marketing marketinq agentliyi ən nüfuzlu britaniyalı ikonaların reytinqini tərtib edib. Səsverməyə qatılan qadınların çoxu onun tərzini təkrarlamağa çalışdıqlarını deyib.

Sosioloji sorğuların nəticələrinə görə, Böyük Britaniyanın ən nüfuzlu ikonalarının reytinqinə hersoginya başçılıq edib. Böyük Britaniya sakinlərinin təxminən 29% -i Kembric hersoginyasının demokratik brendlərə müraciət etməsini, o cümlədən bir libasını bir neçə dəfə geyinməsini dəstəklədiklərini bildirib. Dizaynerlər bunu "Keyt effekti" adlandırır.

“Seraphine” brendinin direktoru Sesil Renonun sözlərinə görə, hersoginya onun brendindən geyindiyi 49 avroluq donla ictimaiyyət qarşısına çıxdıqdan sonra eyni paltardan 20 000 ədəd satılıb.

Reytinqdə ikinci yeri müğənni Rita Оra, üçüncü pillədə "Harry Potter” ulduzu Emma Uotson olub. Müğənni Elli Qoldinq dördüncü mövqedə qərarlaşıb və bloqer Zoella reytinqdə sonuncu yeri tutub.

Aytən