Dəb

Nyu-York moda həftəsinin ən çılğın kolleksiyası - FOTOLAR

16 Sentyabr 2016 21:08

Nyu-York Moda Həftəsi çərçivəsində dünən "Marc Jacobs" moda evinin yeni yaz-yay kolleksiyası nümayiş olunub.

Publika.az xarici mətbuata istinadən xəbər verir ki, amerikalı dizaynerin yeni kolleksiyası Nyu-York Moda Həftəsi marafonunun cədvəlində sonuncu nümayiş olub. Dizayneri kolleksiyanın hazırlanmasına Tokionun Xaradzyuka məhəlləsi və Şimali Florida, eləcə də Lana Vaçovski, Marilin Menson və Boy Cordun yaradıcılığından ilham alıb. Dəfilə məşhur modellər olmadan ötüşməyib. Podiuma İrina Şeyk, Adriana Lima, Kenall Jenner, Karli Kloss, Bella və Gigi Hadid bacıları kimi məşhur modellər çıxıb.

Bu mövsüm Mark Jakobs pərəstişkarları ekstravaqant geyimləri ilə təəccübləndirib. Rəngarəng naxışlar və 20 sm-lik platforma ayaqqabılar kolleksiyanın ən diqqət çəkən detalı olub. Dəb həvəskarlarının onu geyinib-geyinməyəcəyi isə sual altındadır. Hər halda yeni kolleksiya indidən sosial şəbəkələrdə müzakirələrə səbəb olub. Modellərin saç düzümünü vurğulamasaq olmaz. Gözəl qızların başını nəhəng və rəngarəng toppuzlar bəzəyib.

Dizayner pastel çalarlardan başlayaraq, rəng süjetini tədricən kamuflyaja və parlaq boyalara gətirib. Bütövlüklə kolleksiya mini siluetlərdən hazırlanıb. Mark kolleksiyaya fənər-qolları olan şəffaf önlük-geyimləri, psixodelik naxışlarla bəzədilmiş kiçik ətəkləri, parlaq uzun corabları olan şortları və olimpiykaları, metal rəngli plaşları, xəzli bomberləri daxil edib.

Aytən