Mövsümün əsas modapərəsti olmaq üçün nəyə diqqət yetirməli? - FOTOLAR

Yeni mövsüm özü ilə birlikdə yeni dəb tendensiyalarını da gətirir.

Publika.az payız-qış mövsümünün aksessuar trendlərini təqdim edir.

Asma boyunbağılar

2016-2017-ci ilin payız-qış kolleksiyalarında üstünlük təşkil edən ağır boyunbağılar yenidən dəbdədir və təvazökarlar üçün deyil.

Loqotipli çantalar

Yeni mövsümdə çantanızın hansı brendə aid olması barədə üstündəki loqotiplər məlumat verməlidir.

Rəngli çəkmələr

Müasir modapərəstlər incə paltarlarla rəngli və kobud çəkmələri geyinməyi sevir. Dizaynerlər bu mövsüm rəngbərəng çəkmə modellərini təqdim etmək qərarına gəlib.

Çoxlu broşlar

Saç üçün bəzək seçəndə bolluq prinsipinə əməl edin. Saçınızı istənilən sayda sancaqlarla bəzəyin və üstəgəl iri sırğalar taxın.

Enli qayışlar

İncə beli enli kəmərlə vurğulamaq payızın əsas dəb tendensiyasıdır. Kəmər nə qədər qalın olsa, bir o qədər effektli görünəcəksiniz.

Torba çantalar

Bazar alverçilərinin torba çantaları birinci dəfə deyil ki, dizaynerləri ruhlandırır. Payız-qış mövsümü üçün dizaynerlər torba çantaların xəz versiyasını hazırlayıb.

Platforma ayaqqabı

Daha Ledi Qaqa tərzində ayaqqabı geyinmək ayıb sayılmır. Onlar mövsümün ən dəbli əşyası olmağa iddialıdır.

Bəzəkli çanta kəmərləri

Dizaynerlər bu mövsüm çantalar üzərində bir çox eksperimentləri sınaqdan keçirib. Onlardan biri də bərbəzəkli çanta kəmərləridir. Çantanın qalın kəməri sayəsində çiyinə çox yük düşməyəcək və təzyiq yaratmayacaq.

Vual

Özünü gəlin hiss etmək üçün ərə getmək vacib deyil. Dizaynerlər artıq vualı modapərəstlərə istənilən vaxt taxmağa icazə verir.

Körüklü quyruqlar

Mövsümün ən dəbli çantaları bu il də xəzdən tikilmiş quyruq breloklarla təchiz edilib. Ötənilki sevimli aksessuarı "yeniləmək" üçün əla vasitədir.

Aytən