Dəb

İtalyan moda evinin möhtəşəm dəb şousu - FOTOLAR

22 Sentyabr 2016 12:45

Milan moda həftəsinin birinci günündə estafeti "Gucci" italyan brendi açıb.

Publika.az xarici mətbuata istinadən xəbər verir ki, moda evinin kreativ dizayneri Alessandro Mikele yaz-yay mövsüm üçün olduqca fərqli kolleksiya təqdim edib. Onun kolleksiyasına baxanda üslub konsepsiyası hiss olunmayıb.

Dizaynerin "Gucci" üçün hazırladığı ilk kolleksiyada müxtəlif üslublar bir-birinə qarışmışdı. Əjdaha, quş, it printləri ilə zəngin olan kolleksiyada qarışıqlıq yenə nəzərə çarpır. Alessandra Mikele bu dəfə 70-ci illərin dəbindən ilhamlanıb. Yeri gəlmişkən, dizayner iri çərçivəli "nənə" eynəklərinə yenidən müraciət edib. Lakin kənarları qaşlarla işlənən eynəklər bu dəfə daha təmtəraqlı alınıb.

Dizayner podiuma çıxan modellərin çantalarını, torbalarını, eləcə də kəmərlərini "qəbiristanlıq" və "gələcək" kimi sətiraltı rəmzlərlə doldurub. Yeni mövsümdə də istismar üsullarını davam etdirən dizayner real olmayan daha doğrusu, sirk ustaları və məzhəkəçiləri xatırladan çox parlaq, rəngarəng və modapərəstlər üçün tamamilə yeni olan kolleksiyası ilə qonaqları heyrətləndirib. Eklektizmin və rəng xaosunun hakim olduğu kolleksiya "Əgər cəsarətin varsa, məni geyin, parla və rəqs et!" bu devizi altında nümayiş olunub.

Aytən