Dəb

Ancelina Colinin sərvət dəyərində zinət əşyaları kimdə qalacaq? – - FOTOLAR

3 Oktyabr 2016 09:45

12 ildir ki, birlikdə olduğu Bred Pittdən boşanmağa qərar verən Ancelina Coli bütün brilyantlarının özündə qalmasını istəyir.

Publika.az xarici mətbuata istinadən xəbər verir ki, aktrisa Bredlə birlikdə olduğu müddət aldıqları və ərinin ona hədiyyət etdiyi bütün zinət əşyalarını özündə saxlamaq niyyətindədir.

Xatırladaq ki, Bredin Ancelinaya evlilik təklif edən zaman hədiyyə etdiyi 16 karattlıq nişan üzüyünün dəyəri 250 min dollardır. Bu üzüyün fərqi ondadır ki, üzüyün işlənib-hazırlanmasında Bred Pitt şəxsən özü də iştirak edib. Üzüyün dizaynı üzərində Hollivud zərgəri Robert Prokop bir il çalışıb. Bred Pitt müsahibələrinin birində 2012-ci ilin əvvəlində Ancelinaya hədiyyə etdiyi bu üzüyün onun xarakterinə çox uyğun olduğunu demişdi.

Colinin 2009-ci ildə Oskar mərasimində “Lorraine Schwartz” brendindən taxdığı zümrüd qaşlı və damcı şəklində sırğaların dəyəri 2,5 milyondur. Aktrisanın işarə barmağına taxdığı 65 karatlıq zümrüd üzüyün qiyməti isə 1 milyon dollardır.

Aktrisa üçün məşhur zərgərin Robert Prokopun hazırladığı18 əyarlı qızıl qolbağında isə 14 ədəd zümrüd qaşı işlənib.

Colinin bu istəyinin boşanma prosesinə necə təsir edəcəyi bilinməsə də, aktrisanın mücrüsündə böyük sərvət dəyərində zinət əşyaları olduğu dəqiqdir. Yeri gəlmişkən, onu da qeyd edək ki, Bred Pitt aktrisanın bu istəyi barədə heç bir münasiobət bildirməyib.

Aytən