Dəb

Birinci xanımdan daha bir nümunəvi stil - FOTO

29 Avqust 2017 13:45

Amerikanın birinci xanımı Melaniya Tramp yenidən geyim tərzi ilə diqqət mərkəzində olub.

Publika.az xarici mətbuata istinadən xəbər verir ki, Merilend ştatlatında xüsusi malikanədə dincələn ABŞ prezidetinin ailəsi dünən Vaşinqtona qayıdıb. Donald Trampın xanımı Melaniya Tramp, kiçik oğlu Berron, qızı İvanka Tramp, onun həyat yoldaşı Cared Kuşner və onların üç uşağı helikopterdən düşərkən lentə alınıb.

Tramp ailəsinin istirahətini yarımçıq qoyub qayıtmasının səbəbi canub ştatı Texasda baş verən qasırğa olub. Donald Tramp Texasa təbii fəlakətin vurduğu ziyanı qiymətləndirmək üçün Texasa yollanıb.

ABŞ-ın birinci xanımı Melaniya Tramp uçuş üçün seçdiyi çəhrayı dəsti ilə qərb jurnalistlərini təəccübləndirib. Çünki onu çox nadir hallarda çəhrayı dəstdə görmək olar. Maraqlıdır ki, rahatlıq naminə İvanka Tramp don və ətəklərdən imtina edib. O, müxbirlərin kameraları qarşısına ağ cins şalvar və adi ağ maykada çıxıb. Prezidentin qızı obrazını boyun ətrafına bağladığı trikotaj sviteri ilə tamamlayıb.

Əlbəttə ki, cənab prezidenti üzərində USA yazılmış beysbolkası ilə xüsusi diqqət cəlb edib. Maraqlıdır ki, Melaniya və Donald 11 yaşlı oğulları Berronu bu yaxınlarda geyimi ilə bağlı edilən tənqidlərdən sonra ona futbolka deyil, köynək geyinməsini tapşırıblar.

Yeri gəlmişkən onu da qeyd edək ki, Melaniya Tramp oğlunun geyim tərzi ilə bağlı tənqidlərdən sonra ilk dəfə ictimaiyyət qarşısına demokratik brend "J.Crew" in geyimində çıxıb.

Aytən