Dəb

Qaz ayağı payızın trend motivi olacaq - FOTO

30 Avqust 2017 18:52

Qaz ayağı naxışı bu payız öz mövqeyini nümayiş etdirəcək.

Qaz ayağı motivlərinin yaranmasının kökləri Şotlandiyanın XIX əsrinə söykənir. Belə motivləri əvvəlcə xüsusi qurama parça adlandırırdılar, amma sonradan qaz ayağı adlandırmağa başladılar. Əfsanəvi aktrisa Odri Hepberinin “Chanel” moda evinə aid olan qaz ayağı naxışlı pencək geyindiyi “Tiffanidə səhər yeməyi” filmi çıxandan sonra o daha da populyarlaşır. Sonradan qaz ayağı motivlərindən “Emporio Armani”, “Louis Vuitton”, “Salvatore Ferragamo” və “Marc Jacobs” kimi moda evləri də öz kolleksiyalarında istifadə etməyə başladılar.

Publika.az xəbər verir ki, ötən həftə aktrisa Viktoriya Kastis, Betsey Conson çıxışlarında qaz ayağı naxışlı paltarları ilə yadda qalıb. Demək olar ki, bütün dizaynerlər payız-qış mövsümlərində qaz ayağı motivlərinə xüsusi diqqət ayırıb.

Modapərəstlər isə onları həvəslə dəstəkləyib. Niyə də yox? Birincisi, məhz bu motiv qadın bədənini vizual olaraq daha qəşəng və cazibədar göstərir. İkincisi, bu naxış istənilən aksessuar və rənglərin fonunda əla görünür. Kütlədən çox seçilmək istəməyənlər qaz ayağı naxışı olan çanta və ya şərflə kifayətlənə bilər. Onu da qeyd edək ki, keçən illərlə müqayisədə bu il qaz ayağı naxışlarının daha xırda versiyaları dəbdədir.

Lakin onlar zövqlə seçiləndə daha gözəl görünür. Müdrik qadın bilir ki, qadın gözəlliyi üçün birinci şərt cəlbedici zahiri görkəm deyil, həm də nöqsanları ört-basdır etməyi bacarmaq və bu zaman məziyyətlərini vurğulayıb maksimum effektli görünmək vacibdir.

Qaz ayağı motivi monoxrom obrazlarla ideal uyğunlaşır, lakin parlaq aksessuarlar klassik dəstə orijinallıq verə bilər.

Aytən