Dəb

Ciddiliyi sevən xanımlar üçün pencək-don dəbi - FOTO

18 Dekabr 2017 17:45

Yeni İlin gəlməsinə elə tələsirik ki, dekabrın ilk yarısının necə getdiyi heç hiss etmədik. Ayın ilk yarısı artıq başa çatdığına görə Yeni İl şənlikləri üçün paltar axtarışına start vermək vaxtıdır.

Sözsüz ki, bayramları hamımız sevirik. Lakin bir qayda olaraq bütün xanımlar bayram ərəfəsində "Nə geyinib?" , "Necə geyinib?" sualı ətrafında baş sındırıb tər tökməli olur.

Publika.az ciddiliyi sevən işgüzar modapərəstlərə pencək-don geyinməyi təklif edir.

Stilistlər məsləhət görür ki, korporativ məclsilər üçün çoxlu pul xərcləməyə dəyməz. Həmkarlarınızla təşkil olunmuş məclis üçün uzun bleyzer və ya pencək-donlar uğurlu seçimdir. Belə pencəkləri gündüzlər cins və ya klassik şalvarla, axşamlar isə tək və ya mini ətəklə birləşdirmək olar. Qalın qara kolqotqalar obrazı tamamilə günahsız edəcəklər.

Dizaynerlər alıcılar üçün müxtəlif çeşidlər təklif edib. Pencək donları lüks və ya demokratik brendlərin mağazalarından həm istənilən rəngini, həm də istənilən materialda əldə etmək olar.

Uzunburun dikdaban çəkmələr, o cümlədən stiletto və botrfortlar belə dəstin tamamlayıcısı olmağa tamamilə layiqdir.

Aytən