Dəb

Mart ayının əsas trendi - NƏNƏSAYAĞI JAKETLƏR - FOTO

20 Fevral 2018 17:00

Uzun, qalın və enli jaketlər mart ayının trendi olacaq.

Publika.az xəbər verir ki, nənəsayağı jaketlər yaz qarderobunun əsas bəzəyi olmağa hazırlaşır. Daha çox payız aylarında üstünlük verdiyimiz jaketlər 2018-ci ilin əvvəllərində bizi keçmişə aparacaq. Yaşlı nənələrin daha çox bəyəndiyi işləməli, əlvan naxışlı, daşlı, düyməli, yaxud toqqalı v' yun saplardan hörülmüş jaketləri sandıqlardan çıxartmağa hazır olun. Keçmişdə "Geyinmərəm" dediyimiz nənəsayağı jaketlər indidən bir çox dəb blogerlərinin ürəyinə yol tapıb. Hazırda böyük düyməli və boş modellər daha aktualdır.

Nənəsayağı obrazlar şıqlıq və dəbdən uzaq olsa da, boş jaketlərin dar cinslər və qələm yubkalarla vəhdəti olduqca effektli görünür. Belə mükəmməl uyğunluğa laqeyd qalmaq mümkün deyil. Əgər jaketin sıxıcı təsirini azaltmaq istəyirsinizsə, onda yaxasına bəzəkli sancaqlar əlavə edin. Bununla dəstinizə retro havası qatmış olacaqsınız.

Toxunma paxlava naxışları dəbdə olsa da, daha şən görünmək istəyən gənc nəsil üçün üzərində etnik, milli və gül naxışları olan versiyaları da xüsusi diqqətə layiqdir. Belə jaketləri istənilən markalarının yaz-yay kolleksiyalarından əldə etmək mümkündür.

Aytən