Dəb

Məşhur modellər Azərbayacanda podiuma çıxdı - FOTO

3 Mart 2018 16:00

Çağla Şıkel, Özge Ulusoy, Vilma Elles, Tuba Melis Türk, Ege Begüm Yücetan, Şəbnəm Şefer, Mərvə Büyüksaraç, həmçinin Günay Musayeva dünən Bakının qonağı olub.

Publika.az xəbər verir ki, məşhur modellər Azərbaycana bir moda evinin dəfiləsində çıxış etmək üçün gəlib. Türkiyəli modellər podiumda dizaynerlərin 2018 yaz-yay məhsullarını nümayiş etdirib.

Çağla Şikel, Vilma Elles və Özge Ulusoy mətbuat nümayəndələrinin suallarını cavablandırıb. Onlar qardaş ölkə Azərbaycanda olduqları üçün çox xoşbəxt olduqlarını deyib. İlk dəfə Bakıya gəldiyini bildirən Çağla Şikel təşkilatçılardan çox razı qaldığını deyib:

“Atam əslən azərbaycanlıdır. Burada insanların söhbətlərini eşidəndə həmişə nənəm yadıma düşür".

Özge Ulusoy isə Bakının gözəlliyinə heyran qaldığını deyib:

“Bakı çox gözəl şəhərdir. Bizi də çox sevirlər. Biz də onları çox sevirik".

Modellər geyimləri təqdim etdikdən sonra dəfilə xalq artisti Faiq Ağayevin ifası ilə yekunlaşıb.

Podiumlarda bir neçə dəfə qəza nəticəsində yaxası açılan və sinəsi görünən Günay Musayeva sinə dekoltesi ilə diqqət mərkəzində olub. Günay Musayeva podiumda olarkən çıxılmaz vəziyyətə düşdüyünü etiraf edib: "Sona yaxın kiçik problem yarandı. Ayaqqabılarım sürüşməyə başladı. Amma hər şey yaxşı bitdi. İştirakçılara təşəkkürümü bildirirəm".

Aytən